Хаартыска: sakha.gov.ru
Бу сайын Дьокуускайга ыытыллар VIII «Азия оҕолоро» норуоттар икки ардыларынааҕы оонньууларга 5 тыһыынча хандьыдааттан 1900 волонтер талыллыаҕа. Бу туһунан брифиҥҥа волонтерскай куорпус салайааччыта Айаал Винокуров иһитиннэрдэ.
«VIII аан дойдутааҕы «Азия оҕолоро» оонньууларга 1 900 волонтер үлэлиэҕэ. Биһиги волонтердар хомуурдарын биллэрбиппит, бүгүҥҥү күҥҥэ хомуур түмүктэннэ. Оонньуулар волонтердарынан буолуон баҕалаах 5 тыһыынчаттан тахса сайаапка киирдэ. Сайаапкалар Саха сириттэн эрэ буолбакка, дойду 60-тан тахса араас эрэгийиэниттэн уонна түөрт тас дойдуларыттан киирбиттэрэ», — диэн кэпсиир Айаал Винокуров.
Кини билигин хандьыдааттары кытта сэһэргэһии түһүмэҕэ саҕаламмытын бэлиэтээтэ. Хас биирдии сайаапка биэрбит волонтеру кытта рекрутердар сибээстэһэн, сэһэргэһии ыыталлар. Сүүмэрдээһин кулун тутар 31 күнүгэр диэри ыытыллыаҕа, ол кэнниттэн оонньуу саайтыгар тахсыаҕа. Ол кэннэ хас биирдии талыллыбыт волонтер ыҥырыы суругу тутуоҕа.
Салгыы волонтердары үөрэтии түһүмэҕэ саҕаланыаҕа. Үөрэтии үс түһүмэхтэн турар: функциональнай эбээһинэстэргэ, эбийиэктэргэ үөрэтии куурустара уонна волонтердар «Азия оҕолоро» оонньууга сыһыарыллыбыт эбийиэктэргэ үлэлииргэ холонуохтара.
Волонтердар бары 19 хайысханан талыллаллар. Бу омук дэлэгээссийэтин атташета, дойду эрэгийиэннэрин атташета, араас эбийиэктэринэн, култуурунай бырагыраамаларынан, таҥаһы, тырааныспары биэрии волонтердара, уо.д.а. атын хайысхаларынан.
«Хас биирдии волонтер таҥаһынан, аһынан уонна сувенирнай бородууксуйанан толору хааччыллыаҕа», — диэтэ Айаал Винокуров. Волонтёрдар үлэлэрэ дойду үрдүнэн волонтердар Ассоциацияларын ыстандаартын нуормаларыгар сөп түбэһиэҕэ.
СӨ Ил Дарханын уонна Бырабыыталыстыбатын пресс-сулууспата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …