Хаартыска Николай Андросов тиксэриитэ
«Азия оҕолоро» норуоттар икки ардыларынааҕы оонньуулар өрөгөй ырыалара айыллан киэҥ араҥаҕа таҕыста.
Бэҕэһээ «Азия оҕолоро» VIII норуоттар икки ардыларынааҕы оонньууларга анаммыт «Мы – дети Азии» ырыа сүрэхтэннэ. Ырыа тылын Мария Андреева уонна Сергей Прачëв суруйбуттар, матыыбын мелодист Николай Андросов айбыт.
Ырыаны киэҥ араҥаҕа «Азия оҕолоро» VIII норуоттар икки ардыларынааҕы оонньуулар тэрээһиннэригэр СӨ Үтүөлээх артыыһа Владлена Бурнашова-Сахаайа уонна СӨ култууратын туйгуна Кирилл Матвеев итиэннэ СӨ култууратын туйгуна Татьяна Окорокова салайааччылаах «Көмүс дорҕоон» оҕо кэллэктиибэ таһаарда.
Ырыа айыллыытын туһунан музыкант, педагог, биллиилээх мелодист Николай Андросов санаатын үллэһиннэ:
— «Азия оҕолоро» норуоттар икки ардыларынааҕы оонньууларга анаан ырыаны айар идиэйэ миэхэ киирбитэ. Бастааны фортепианоҕа матыыбына айбытым. Ол кэннэ Мария Андреева сахалыы хоһоон суруйбута. Рифмаҕа сөп түбэһиннэрэ сатаан хас даҕаны хоһоонньуту кытары үлэлэһэ сатаабытым, табыллыбатаҕа. Онон хос ырыатын бэйэм суруйбутум. Нууччалыы тиэкиһин Сергей Прачев суруйбута. Аранжировкатын СӨ композитордарын сойууһун бэрэссэдээтэлэ Николай Михеев оҥорбута. Манна Саха сирин бастакы Бэрэсидьиэнэ М.Е. Николаев тыл этэрин киллэрбиппит ырыабытын өссө дириҥ суолталаата дии саныыбын. СӨ Үтүөлээх артыыһа Владлена Бурнашова-Сахаайа уонна СӨ култууратын туйгуна Кирилл Матвеев «Көмүс дорҕоон» оҕолорун кытары ыллаабыттара эталон буолла. Айбыт киһи быһыытынан «Азия оҕолоро» ооннуулар кэмнэригэр бу ырыа элбэхтик тыаһыыра буоллар диэн баҕалаахпын.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…