«Азия оҕолоро» оонньууларга харбааһыҥҥа 34 кэмпилиэк мэтээл оонньонуоҕа

VIII  «Азия оҕолоро» норуоттар икки ардыларынааҕы  оонньууларга харбааһыҥҥа күрэхтэһии бэс ыйын 28 от ыйын 1 күннэригэр «Чолбон» бассейҥа ыытыллыаҕа. Манна уопсай 34 кэмпилиэк мэтээл оонньонуоҕа.

Күрэхтэһиигэ уопсайа араас эрэгийиэннэртэн, дойдулартан 19 хамаанда кыттыыны ылыаҕа.  Ол курдук баттерфляй,  кроль икки көрүҥэр, брасс истииллэринэн оҕолор харбыахтара. Маны таһынан хас биирдии хамаандаттан бэрэстэбиитэл харбааһын эстафетатыгар кыттыаҕа. Билигин «Чолбон» бассейҥа оҕолор дьарыктана сылдьаллар. Саха сириттэн икки хамаанда кыттыаҕа. Бастакы хамаандаҕа — сэттэ кыыс, сэттэ уол, иккис хамаандаҕа — түөртүү кыыс, уол буолан күрэхтэһиэхтэрэ.