Доруобуйа харыстабылын министиэристибэтэ 32 мэдиссиинэ пуунун, ол иһигэр кыттааччылар, тириэньэрдэр, хамаандалар бэрэстэбиитэллэрэ уонна волонтердар олорор сирдэригэр төгүрүк суукканы быһа үлэлиир 16 пууну арыйары былаанныыллар. Маны тэҥэ күрэхтэһиилэр буолар сирдэригэр күнүскү өттүгэр үлэлиир 16 мэдиссиинэ пууна баар буолуоҕа. Оонньуулар кэмнэригэр барыта 120-тэн тахса миэдик үлэлиирэ былааннанар диэн СӨ Ил Дарханын уонна СӨ Бырабыыталыстыбатын пресс-сулууспата иһитиннэрэр
Күрэхтэһиилэр кэмнэригэр Мэдиссиинискэй реабилитация уонна спортивнай мэдиссиинэ киинин исписэлиистэрэ куруук баар буолуохтара, көрө-истэ сылдьыахтара.
Оонньуулары хаачыстыбалаахтык арыаллыыр туһуттан, мэдиссиинэ пууннарын уонна спортивнай миэдиктэри таһынан мобильнай госпиталы түргэнник тэнитэр кыахтаах суһал көмө биригээдэлэрэ уонна Саахал мэдиссиинэтин киинэ дьуһуурустубалыахтара.
“Экстреннэй быһыы-майгы буолар түгэнигэр Саахал мэдиссиинэтин киинин анал биригээдэлэрэ бэлэм буола түһүөхтэрэ, өрөспүүбүлүкэ балыыһалара эбии куойкалары тэрийэ охсуохтара”, — диэн иһитиннэрдэ СӨ Доруобуйаҕа харыстабылын миниистирэ Лена Афанасьева.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…