Сахаговтан
“Азия оҕолоро” норуоттар икки ардыларынааҕы VIII спортивнай оонньуулары тас дойду дипломатическай миссиятыгар билиһиннэрии РФ Бэрэсидьиэнин иһинэн СӨ Бастайааннай бэрэстэбиитэлистибэтигэр ыытылынна.
Көрсүһүүгэ сүүрбэччэ судаарыстыба бэрэстэбиитэлэ кытынна: Кытай, Индия, Таиланд, Шри-Ланка, Иордания, Бахрейн, Монголия, Казахстан, Афганистан, Азербайджан, Сирия, Кыргызстан, Лаос уо.д.а. Тэрээһиҥҥэ РФ Тас дойдулар дьыалаларыгар министиэристибэтэ, “Азия оҕолоро” оонньуулар норуоттар икки ардыларынааҕы кэмитиэтэ, Арассыыйа Олимпийскай кэмитиэтэ, Саха сирин дэлэгээссийэтэ кытыннылар.
Саха Өрөспүүбүлүкэтин Ил Дарханын уонна тэрийэр кэмитиэт аатыттан РФ Бэрэсидьиэнин иһинэн Саха Өрөспүүбүлүкэтин Бастайааннай Бэрэстэбиитэлэ Андрей Федотов тыл эттэ.
“Азия оҕолоро” оонньуулар төрөөбүт дойдуларыгар – Дьокуускайга эргилиннилэр, манна бастаан 1996 с. ыытыллыбыта. Бу оонньуулары ыытартан киэн туттабыт, тоҕо диэтэххэ, бу бырайыагы Арассыыйа Федерациятын Бэрэсидьиэнэ уонна Бырабыыталыстыбата өйүүллэр. “Азия оҕолоро” оонньуулар – инники кэскиллээхтэр, онон устуоруйаҕа хаалар гына үчүгэйдик ыытыахпыт”, — диэтэ кини.
Кини бу түһүлгэ обургу оҕо успуордугар мультиспортивнай тэрээһининэн Арассыыйаҕа эрэ буолбакка, Азияҕа бүттүүнүгэр буолуоҕа диэн бэлиэтээтэ. 16-гар диэри саастаах эдэр спортсменнар Олимпийскай 24 көрүҥҥэ уонна үгэс буолбут оонньууларга күрэстэһиэхтэрэ. Маныаха Азияҕа олорор омуктар култуураларын уонна үгэстэрин тарҕатар туһуттан кураш, хапсаҕай, алыш, ону тэҥэ сахалыы ыстаныы уонна саха тэтимнээхтик сайдар успуорда – мас-рестлинг киирдилэр.
“Азия оҕолоро” оонньуу Норуоттар икки ардыларынааҕы кэмитиэтин бэрэсидьиэнэ Владимир Максимов иһитиннэрбитинэн, кыттааччылартан сайаапкалары ылыы кулун тутар 1 күнүгэр диэри ыытыллыаҕа. “Бүгүҥҥү туругунан 20-чэ дойду кыттарга баҕалааҕын биллэрдэ. Кулун тутар 1 күнүгэр 30-ча судаарыстыбаҕа тиийиэ дии саныыбыт”, — диэтэ кини.
Ураты поручениеларга посол, РФ тас дойдуларга миниистирин анал бэрэстэбиитэлэ Михаил Хорев бу оонньуулар успуортка бииргэ үлэлээһини, успуорт идеалын бөҕөргөтүүгэ көмөлөһөрүн бэлиэтээтэ. “Хомойуох иһин, бүгүн бэлиитикэ интэриэһиттэн сылтаан, успуортка бииргэ үлэлээһини атахтыы сатыыр күүстэр бааллар. Биһиги дойдубут тас бэлиитикэ дьоһун элеменинэн буолар үтүө сиэрдээх успуорду туруулаһар”, — диэтэ кини.
”Азия оҕолоро” норуоттар икки ардыларынааҕы кэмитиэт олохтонуоҕуттан Арассыыйа Олимпийскай кэмитиэтэ бу оонньуулары бары кыахтарынан ыытары көҕүлүүр, — диэтэ Арассыыйа Олимпийскай кэмитиэтин бэрэсидьиэнэ Станислав Поздняков. — Оонньуулар үрдүк гуманитарнай аналлаахтарынан, биһиги үөрэтэр уонна култуурунай бырагыраамалары олоххо киллэриигэ үөрүүнэн кыттабыт. 2024 сыл сайын Эдэр олимпиецтар норуоттар икки ардыларынааҕы пуорумнарын үгэс курдук Москваҕа буолбакка, Дьокуускайга ыытыахпыт. Онно успуорт сулустара, Олимпийскай чөмпүйүөннэр кыттыахтара, эдэр спортсменнары кытта кэпсэтиэхтэрэ”
Кэлэр сылга “Азия оҕолоро” оонньуулар бэс ыйын 25 күнүттэн от ыйын 7 күнүгэр диэри ыытыллыахтара. Успуорт 24 көрүҥэр 3000 тахса спортсмен кыттара күүтүллэр.
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…