Хаартыска: СИА
VIII төгүлүн ыытыллар норуоттар икки ардыларынааҕы «Азия оҕолоро» сайыҥҥы оонньуулар чэрчилэринэн Дьокуускайга успуорт икки эбийиэгэ тутуллуоҕа.
Ол курдук Дьокуускай куорат 77-c кыбаарталыгар успуорт саалата уонна Хатаска успуорт комплекса тутуллуохтара. Билиҥҥи туругунан 77-c кыбаарталга ыытылла турар тутуу 60% бүтэн турар, онон тутууну ыам ыйыгар үлэҕэ киллэрэр былааннаахтар. Бу туһунан СӨ тутуу миниистирин бастакы солбуйааччы Евгений Афанасьев иһитиннэрдэ. Хатаска иккис эбийиэк тутуллан бүтэн үлэҕэ киирэрэ былааннанар. Оонньууларга бэлэмнэнии чэрчитинэн, Дьокуускайга успуорт 14 эбийиэгэр өрөмүөн ыытылла турар. Дьокуускай ыалдьыттары көрсөргө бэлэмнэнэр. Бүгүҥҥү күҥҥэ С.Ф.Гоголев аатынан педагогическай кэллиэскэ, тыа хаһаайыстыбатын техникумугар, мэдиссиинэ кэллиэһигэр, индустриальнай-педагогическай кэллиэскэ, ону сэргэ «Сосновай Бор» санаторий дьону хоннорор куорпуһугар өрөмүөннэр бүтэн тураллар.
Билигин «Кыайыы 50 сыла», «Триумф» успуорт уораҕайыгар, «Дохсун» кииҥҥэ, «Эллэй Боотур» успуорт дыбарыаһыгар, «Чолбон» бассейнҥа, «Модун» успуорт комплексыгар, Н.Н.Тарскай аатынан «Туймаада» стадионугар, «Самородок» бассейнҥа өрөмүөннэр ыытылла тураллар. Бэлиэтээн эттэххэ, «Азия оҕолоро» норуоттар икки ардыларынааҕы оонньуулар бэс ыйын 25 күнүттэн от ыйын 7 күнүгэр Дьокуускайга ыытыллыаэтапа. Уопсайа 24 успуорт көрүҥэр эдэр спортсменнар кыттыахтара.
РФ бэрэсидьиэнэ Владимир Путин «Азия Оҕолоро» оонньууну тэрийии олимпизм бириинсибин сайыннарыыга уонна норуоттар икки ардыларыгар алтыһыыны сайыннарыаҕа диэн эрдэ бэлиэтээбитэ.
«Эрчимнээх, успуорду, чөл олоҕу өрө тутар, талааннаах оҕолор ааспыт сыллардааҕы оонньууларга ситиһиилээхтик кыттан киэҥ эйгэҕэ биллибиттэрэ. Үгүстэр олохторун профессиональнай успуорду кытта ситимнээбиттэрэ, аан дойду таһымнаах улахан күрэхтэһиилэргэ кытталлар», — диэн Владимир Путин эппитэ элбэҕи туоһулуур.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…