“Азия оҕолоро” оонньууларыгар 13 сиргэ сувенирдары атыылыахтара

VIII “Азия оҕолоро” норуоттар икки ардыларынааҕы  спортивнай  оонньууларын күннэригэр сувенир бородууксуйатын киин куоракка 13 пууҥҥа атыылыахтара. Ол курдук, Орджоникидзе, Комсомольскай уонна Доҕордоһуу болуоссаттарыгар уонна успуорт эбийиэктэрин тастарыгар.

Сувенир бородууксуйалара 14 көрүҥтэн турар: брелоктар, гаджеттар, бэргэһэлэр, значоктар, сэлии муоһуттан оҥоһуктар, канцелярия, магниттар, манньыаттар, аккырыыккалар, иһиттэр, сувенирдар, суумкалар уонна аксессуардар, текстиль, футболкалар. Бу брендовай оҥоһуктар оонньуу бэлиэтин көрдөрөллөр уонна сахалыы оһуордаахтар.

Сувенирдары оҥоруунан уонна батарыынан “Сделано в Якутии” өрөспүүбүлүкэтээҕи урбаанньыттарын Ассоциацията дьарыктанар. Сувенирдары 70 киһи уонна олохтоох 19 оҥорон таһаарааччы атыылыахтара. Ассоциацияҕа 200 урбаанньыт-оҥорон таһаарааччы киирэр. Кинилэртэн 90 киһи “Сделано в Якутии” табаарынай бэлиэлээх.

Арассыыйа Бэрэсидьиэнэ Владимир Путин “Азия оҕолоро” оонньуулары “оҕо-обургу оҕо успуордугар саамай интэриэһинэй уонна ситиһиилээх бырайыагынан” билиммитэ.

Саха сирин баһылыга Айсен Николаев 2024 сылга VIII “Азия оҕолоро” норуоттар икки ардыларынааҕы спортивнай  оонньуулар дойду иһигэр норуоттар икки ардыларынааҕы саамай бөдөҥ оонньууларынан ааттаабыта.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата