Бэҕэһээ, кулун тутар 1 күнүгэр, Кемерово куоракка баар Тутааччылар бульвардарыгар «Азия оҕолоро» норуоттар икки ардыларынааҕы спортивнай кыһыҥҥы иккис оонньууларга миэстэлэспит оҕолору наҕараадалаатылар. Кинилэр истэригэр Саха сирин хамаандатыттан үс хайыһардьыт баар.
Наҕараадалааһын үс көрүҥҥэ буолла: хайыһар, керлинг уонна шорт-трек. Оҕолорго мэтээллэри норуоттар икки ардыларынааҕы кэмитиэт вице-бэрэсидьиэнэ Марат Бариев кэтэттэ.
Ол курдук, уолаттарга хайыһарынан спринт көрүҥҥэ:
1 миэстэ — Дмитрий Трушкин (Сибиирдээҕи федеральнай уокурук);
2 миэстэ — Вадим Ширяев (Саха сирэ);
3 миэстэ — Вадим Кривоногов (Саха сирэ).
Кыргыттарга хайыһарынан спринт көрүҥҥэ:
1 миэстэ — Виктория Бедина (Москва);
2 миэстэ — Инна Рыбкина (Саха сирэ);
3 миэстэ — Виктория Ефимова (Кузбаас).
Саха сириттэн миэстэлэспит бу үс оҕо — Инна Рыбкина, Вадим Ширяев уонна Вадим Кривоногов Алдаҥҥа баар Өрөспүүбүлүкэтээҕи Олимпийскай эрэллэр спортивнай оскуолатын иитиллээччилэринэн буолаллар.
Хайыһар бу көрүҥэр Саха сирин хамаандатыттан 11 оҕо кытынна. Кинилэр бары куһаҕана суох көрдөрүүлээх биэтэккэ кэллилэр.
Алексей Павлов хаартыскаҕа түһэриилэрэ,
«Азия оҕолоро» кэмитиэтин пресс-киинэ.
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…