Хаартыскаҕа Карина Оконешникова түһэриитэ, СИА
Бүгүн, от ыйын 2 күнүгэр, Дьокуускайга «Кыайыы 50 сыла» успуорт дыбарыаһыгар «Азия оҕолоругар» мини-футбол финалистара быһаарылыннылар.
Саха сирин сүүмэрдэммит хамаандата Палестина футболистарын хамаандатын 4:2 очукуонан кыайан, аны, кыһыл көмүс мэтээли ылар иһин киирсэр буолла. Бу туһунан СИА кэрэспэдьиэнэ Карина Оконешникова суруйар.
Бу икки хамаандалар оонньуулларыгар, бастакы тайм 1:1 счетунан түмүктэммит. Иккискэ биһиги спортсменнарбыт үстэ мээчиги киллэрэн, инники күөрэйэн тахсыбыттар.
Сарсын, от ыйын 3 күнүгэр, быһаарыылаах көрсүһүүлэр күүтэллэр. Үһүс бириистээх миэстэни ылар иһин Узбекистан уонна Уһук Илин федеральнай уокуругун хамаандата күөн көрсүөхтэрэ. Оттон кыһыл уонна үрүҥ көмүстэр иһин Саха сирин уонна Урал ФУо сүүмэрдэммит хамаандалара күрэхтэһиэхтэрэ.
«Бу хамаандалар инники түһүмэххэ көрсүбүттэрэ. Узбекистан Уһук Илин хамаандатын хоппута, Урал — Саха сирин. Үчүгэй киирсии, илин-кэлин түсүһүү буоларыгар эрэнэбит, арыый атын түмүгү көрдөрүөхтэрэ диэн күүтэбит«, — диэн судьуйа Алексей Кормушкин санаатын үллэстэр.
Бүгүн өссө Сибиир уонна Уһук Илин спортсменнара футболлаатылар, Уһук Илин ФУо хамаандата кыайда (3:4). Кыргызстан иннигэр Урал түстэ (0:1).
Тохсунньу 20 күнүгэр Күҥҥэ кэнники уон сылларга саамай бөдөҥ радиациялаах буурҕа буолан ааспыта. Онтон сарсыныгар…
Синоптиктар сабаҕалааһыннарынан, бүгүн, тохсунньу 22 күнүгэр, Саха сирин хотугулуу-арҕаа, соҕуруу, илин өттүгэр хаардыыр, оттон Халымаҕа…
"Муравьев-Амурскай 2030" бырагыраама бэһис түһүмэҕин саҕаланыыта Москваҕа «Арассыыйа» национальнай кииҥҥэ үөрүүлээх быһыыга-майгыга ыытыллар. РФ Уһук…
Тирэх пуун үлэһиттэрэ байыаннай сулууспалаахтарга баһыылкалары тиэрдэллэр. Бу туһунан өрөспүүбүлүкэ тирэх пууннарын сүрүн координатора "Юстас"…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …