Андрей Сорокин хаартыскаҕа түһэриитэ, СИА
«Азия оҕолоро» норуоттар икки ардыларынааҕы VIII спортивнай оонньууларга Азия 20 дойдутуттан кыттыахтара.
Далааһыннаах күрэхтэһиигэ бэлэмнэнии хаамыытын туһунан Ил Дархан Айсен Николаев уонна «Азия оҕолоро» норуоттар икки ардыларынааҕы кэмитиэт бэрэсидьиэнэ Владимир Максимов кэпсэттилэр.
«Спортивнай күрэхтэһиилэр ыытыллар, ыалдьыттар олорор сирдэрэ быһаарылыннылар. Биһиги Дьокуускайга бу далааһыннаах күрэхтэһиигэ Азия дойдуларыттан уонна Арассыыйа эрэгийиэннэриттэн үс тыһыынчаттан тахса кыттааччы кэлэрин күүтэбит. Тэрийэр кэмитиэт чугастааҕы мунньаҕар эбийиэктэргэ өрөмүөннэр уонна саҥалыы уларытан оҥоруу үлэлэрин, сири-уоту тупсарыы, күрэхтэһии кыттыылаахтарын олохтооһун уонна логистика, ону таһынан, культурнай бырагырааманы тэрийии, күрэхтэһиигэ өрөспүүбүлүкэ сүүмэрдэммит хамаандатын бэлэмнэниитин туһунан, о.д.а. боппуруостары көрүөхпүтүн наада«, — диэтэ Айсен Николаев.
Владимир Максимов иһитиннэрбитинэн, норуоттар икки ардыларынааҕы кэмитиэт билиҥҥи кэмҥэ успуорт 22 көрүҥүн бигэргэппит, ол иһигэр кик-боксины, шахматы, спортивнай үҥкүүнү, Го оонньууну.
Санатан эттэххэ, «Азия оҕолоро» норуоттар икки ардыларынааҕы спортивнай оонньуу Саха сиригэр 1996 сыллаахха тэриллибитэ, ыытыллыбыта. «Азия оҕолоро» VIII далааһыннаах тэрээһин 2024 сылга бэс ыйын 25-от ыйын 7 күнүгэр ыытыллара былааннанар.
«Азия оҕолоро» спортивнай оонньуулар Норуоттар икки ардыларынааҕы олимпийскай кэмитиэт көрүүтүгэр баар, Азия уонна Арассыыйа Олимпийскай кэмитиэттэрэ өйүүллэр.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…