Хаартыскаҕа Мария Васильева түһэриитэ, СИА
«Азия оҕолоро» норуоттар икки ардыларынааҕы спортивнай оонньууларга волонтердары бэлэмнииллэр.
Бу туһунан боппуруос бүгүн, кулун тутар 14 күнүгэр, СӨ Бырабыыталыстыбатын Бэрэссэдээтэлин солбуйааччы Ольга Балабкинаҕа буолбут мунньахха көрүлүннэ.
«Азия оҕолоро» Саха сиригэр эргиллэн кэллэ. Оонньуулар кэмнэригэр 19 араас хайысханан 1900 волонтер үлэлиэ. Куттал суох буолуутун хааччыйар миэрэлэр тутуһуллаллара олус наада. Волонтердар эппиэтинэһи сүгэллэр. Тас дойдуттан кэлбит дэлэгээссийэлэри, дойду атын эрэгийиэннэриттэн кэлбит спортсменнары арыаллыылларыгар. Оонньуулар кыттыылаахтарын уонна ыалдьыттарын көрсөллөрүгэр, атааралларыгар, түһэр сирдэригэр көмөлөһөллөрүгэр, астарыгар-үөллэригэр, экипировкаларын биэрэллэригэр, култуура тэрээһинэ ыытылларыгар барытыгар болҕомтолоох, эппиэтинэстээх буолаллара ирдэнэр. Онон эппиэтинэстээх буолуохтаахтар», — диэн этэр Ольга Балабкина.
Волонтердар куорпустарын салайааччыта Айыллаан Винокуров иһитиннэрбитинэн, «Азия оҕолоругар» волонтер буолуон баҕалаахтартан 5127 сайаапка киирбит. Итинтэн 1900 киһи талыллар. 1800 өрөспүүбүлүкэттэн, 100 – атын дойдулартан уонна Арассыыйа эрэгийиэннэриттэн. Олунньу 27 күнүттэн хандьыдааттары кытары кэпсэтии саҕаламмыт. Этиллибитинэн, сирэй көрсөн олорон кэпсэтэллэр уонна онлайн киэбинэн. Бу кулун тутар бүтүөр диэри ыытыллар. Оттон олунньу 31 күнүгэр тестирование күүтэр. Оонньуулар саайтарыгар талыллыбыт волонтердар испииһэктэрэ тахсыахтаах.
Ольга Балабкина бэлиэтээбитинэн, волонтердар доруобуйаларын көрдөрөллөр. Маны сэргэ, түһүмэхтэринэн анаан үөрэтии ыытыллар.
Мунньах түмүгэр Ольга Балабкина мэдиссиинэ көрүүтүгэр, вакцинация боппуруоһугар, түһүмэхтэринэн волонтердары үөрэтиигэ кэккэ сорудахтары биэрдэ. Ону таһынан, волонтердар үлэлииллэригэр усулуобуйаны тэрийии туһунан боппуруостар көрүлүннүлэр.
Санатар буоллахха, РФ Бэрэсидьиэнэ Владимир Путин «Азия оҕолоро» Арассыыйа эрэгийиэннэриттэн, Азия дойдуларыттан талааннаах, дьоҕурдаах оҕолору түмэр успуорт эйгэтигэр биир саамай сэргэх, интэриэһинэй бырайыак буоларын бэлиэтээбитэ.
Норуоттар икки ардыларынааҕы VIII төгүлүн ыытыллар «Азия оҕолоро» быйыл Дьокуускайга бэс ыйын 25 күнүттэн от ыйын 7 күнүгэр диэри ыытыллар.
Сиһилии https://www.sakha.gov.ru/news/front/view/id/3391279 манна киирэн ааҕыахха сөп.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Мария Васильева түһэриитэ, СИА
Саха сирин дэлэгээссийэтэ Кыайыы күнүн иннинэ Новгород уобалаһын Старорусскай оройуонугар буойуттар пааматынньыктарыгар сырытта. Бу Буреги,…
Күндү ааҕааччыларбыт. Ыйыт-хоруйдуубут диэн балаһаҕа дьон үксүн үлэҕэ сыһыаннааҕы ыйытар. Ааҕааччыларбыт олох-дьаһах боппуруостарын чуолкайдаһаллар. …
Эдьиий Дора эр дьоҥҥо сүбэтэ. Билигин күрдьэҕинэн сирин тиэринэр киһи биллэ аччаата. Эмиэ албастаах, киһи…
Дьокуускай куорат баһылыга Евгений Григорьев Строительнай уокурукка сырытта. Көһө сылдьар мунньахха куорат борокуруора Виктор Умеренко…
Кальяны тардан сэллик ыарыыга сыстыахха сөбүн билэр киһи аҕыйах буолуохтаах. Ол туһунан Наркология өрөспүүбүлүкэтээҕи диспансерын…
Аҕа дойду уоттаах сэриитин кэмигэр дойдубутун кырыктаах өстөөхтөн көмүскээбит дьоммутун ахтар-саныыр, аҕа көлүөнэ албаннаах аатыгар…