«Азия оҕолоро» норуоттар икки ардыларынааҕы спортивнай оонньуулары көрсө, Дьокуускай куораты тупсарыыга үлэ Ил Дархан Айсен Николаев бигэргэппит былаанынан баран иһэр. Бу туһунан брифиҥҥэ Ил Дархан иһинэн архитектура уонна куораты тутуу управлениетын салайар, «Азия оҕолоро» оонньууларга тупсаран оҥорууга хамыыһыйа бэрэссэдээтэлэ Любовь Папок иһитиннэрдэ.
«Дьокуускайга былаанынан элбэх кыбартыыралаах дьиэлэр уонна социальнай эбийиэктэр тастарын тупсаран оҥоруу үлэтэ ыытыллар. Маны сэргэ, дьон хаамар ыллыктара — тротуардар өрөмүөннэнэллэр. Ыскамыайкалары, бөх быраҕар иһиттэри, күрүөлэри-хаһаалары кырааскалыыллар, ону таһынан сорох сирдэргэ билиитэлэри уларыталлар. Пааматынньыктар өрөмүөннэниэхтэрэ уонна үүнээйини олордуу үлэтэ ыытыллыа«, — диир кини.
Сааскыттан саҕалаан хамыыһыйа үлэ-хамнас толоруллуутун кэрийэн бэрэбиэркэлиир. Бэриллибит сэмэлэри туоратыыга үлэлэр ыытыллаллар. Куорат уокуруктааҕы дьаһалтата 125 хантараагы түһэрсэргэ былааннанар. Итинтэн муус устар 24 күнүгэр 122 хантараак түһэрсилиннэ.
Ил Дархан Айсен Николаев «Азия оҕолоро» 2024 сылга аан дойдуга биир улахан күрэхтэһиинэн буолуоҕа уонна саамай үрдүк таһымҥа ыытыллыаҕа диэн эрэнэрин биллэрэн турар.
Санатар буоллахха, РФ Бэрэсидьиэнэ Владимир Путин «Азия оҕолоро» оҕо, ыччат успуордун эйгэтигэр биир саамай ситиһиилээх бырайыагынан буоларын бэлиэтээбитэ.
«Азия оҕолоро» Дьокуускайга быйыл бэс ыйын 25 — от ыйын 7 күннэригэр буолар.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…
Саха сиригэр физическэй култуура уонна успуорт сайдыытыгар, хаачыстыба өттүнэн үрдүк кэрдиискэ тахсарыгар кылгас олоҕун анаабыт…