Хаартыскаҕа Мария Васильева түһэриитэ, СИА.
СӨ Бырабыыталыстыба бэрэссэдээтэлин бастакы солбуйааччы Дмитрий Садовников Дьокуускайга элбэх кыбартыыралаах дьиэлэр өрөмүөннэрин бэрэбиэркэлээтэ. Бу «Азия оҕолоро» норуоттар икки ардыларынааҕы спортивнай оонньуулары көрсө ыытыллаллар.
«Үлэлэр былаан быһыытынан баран иһэллэр. Арай, дьиэлэрин бас билээччилэр сорохторо балконнарын тааһыыры (таас олордору) утараллар. Биллэн турар, бу үлэни олохтоохтор өйдүүллэригэр баҕарабыт. Дьиэ таһа биир көрүҥнэннэҕинэ, өрө тардыллан, көстүүлэрэ да тупсуо этэ. Бэс ыйын 1 күнүгэр түмүктэниэхтээхтэр. Бэдэрээччиттэр иһитиннэрбиттэринэн, матырыйаалларга, үлэлиир биригээдэлэргэ кыһалҕа суох», — диир Дмитрий Садовников.
Дьокуускайга 50-тан тахса дьиэ өрөмүөннэниэх. Бу сырыыга Можайскай, Дзержинскэй, Короленко уулуссаларыгар уонна куорат киинигэр дьиэлэр өрөмүөннэрин көрдүлэр. Манна дьиэлэр тастарын сыбыыллар, кырааскалыыллар, уу турбатын оҥороллор, көрүдүөрдэр түннүктэрин, киирэр-тахсар ааннары, баһаарынай кирилиэһи уларыталлар, кирилиэстэри өрөмүөннүүллэр, уо.д.а. үлэлэр ыытыллаллар.
Ил Дархан Айсен Николаев «Азия оҕолоро» норуоттар икки ардыларынааҕы спортивнай оонньуулар үрдүк таһымнаахтык ыытыллыахтара, 2024 сылга дойду сиригэр-уотугар биир саамай далааһыннаах тэрээһининэн буолуоҕа диэн бэлиэтээн турар.
«Азия оҕолоро» спортивнай оонньуулар Дьокуускайга быйыл бэс ыйын 25 — от ыйын 7 күннэригэр ыытыллаллар. Оонньууларга кыттар баҕалаахтарын билиҥҥитэ 22 дойду уонна Арассыыйаттан алта хамаанда биллэрбиттэр. Оттон Азия түөрт дойдутун кытары кэпсэтии ыытыллар.
Санатар буоллахха, Саха сирин Бастакы Бэрэсидьиэнэ М.Е.Николаев төрүттээбит «Азия оҕолоро» оҕо, ыччат успуордун эйгэтигэр биир саамай ситиһиилээҕинэн буоларын РФ Бэрэсидьиэнэ В.Путин бэлиэтээн турар.
СӨ Ил Дарханын уонна Бырабыыталыстыбатын пресс-сулууспата
Хаартыскаларга: Мария Васильева түһэриитэ, СИА
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…