Хаартыскаҕа Мария Васильева түһэриитэ, СИА
Этэн аһарбыппыт курдук, спортивнай үҥкүү күрэхтэһиитэ («двоеборье» дьиссипилиинэҕэ) түмүктэннэ. Күрэхтэһии өрө көтөҕүллүүлээхтик ыытылынна.
Барыта сэттэ паара кытынна. Бу Уһук Илин, Сибиир, Урал ФУо, Москваттан, Монголияттан уонна Саха сириттэн икки паара.
Түгэнинэн туһанан эттэххэ, «Азия оҕолоро» оонньууларга быйылгыттан «двоеборье» дьиссипилиинэ киирбитэ. Манна латиноамериканскай (самба, ча-ча-ча, румба, пасодобль, джайв) уонна европейскай (бытаан вальс, танго, венскэй вальс, бытаан фокстрот, квикстеп), хас биирдии бырагыраамаҕа биэстии үҥкүү киирэр.
Кыһыл көмүһү манна Урал ФУо кэлбит спортсменнар Валерия Подрядова уонна Лев Огорельцев ыллылар.
«Биһиэхэ бу этиллибит бырагыраамаларга кыттааччылар бэйэлэрин баҕаларынан кэллилэр. Норуоттар икки ардыларынааҕы регламенынан, спортсменнары 16 киһиттэн састааптаах судьуйа кэллиэгийэтэ сыаналыыр«, — диэн быһаарар «двоеборьеҕа» спортивнай менеджер Юрий Алексеев.
«Бүгүҥҥү күрэхтэһиигэ кыттыыгыт эһиги кыракый кыайыыгытынан буолар. Бу кэнниттэн улахан ситиһиилэр кэлэн иһиэхтэрэ. Мин бу күрэхтэһииттэн бары сүргэлэрэ көтөҕүллүбүтүгэр эрэнэбин«, — диэтэ Кирилл Бычков.
Күрэхтэһии кыттыылаахтарыгар, ыалдьыттарыгар Саха сиригэр спортивнай үҥкүү Сойууһун бэрэсидьиэнэ Людмила Николаева истиҥ эҕэрдэтин тиэртэ.
«Азия оҕолоругар» кыттыыгыт эһиэхэ инникитин кыайыыларга тирэх буоллун«, — диэтэ кини.
Күрэхтэһии түмүгүнэн кыайыылаахтар быһаарылыннылар.
1 м. — Валерия Подрядова, Лев Огорельцев, Урал ФУо.
2 м. — Анастасия Селифанова, Матвей Рублев, Москва.
3 м. — Анастасия Самойлова, Дмитрий Мельников, Сибиир ФУо.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…