Хаартыскаҕа Мария Васильева түһэриитэ, СИА
Спортивнай үҥкүү, арааһа, уустук уонна кытааччылартан сатабылы, эрчими ирдиир биир эмиэ үрдүк ирдэбиллээх көрүҥҥэ киирсэрэ буолуо. Бу спорт биир олус кэрэ уонна болҕомтону тардар көрүҥэ.
Бу туһунан «Модун» успуорт комплексыгар «Азия оҕолоро» оонньууларга спортивнай үҥкүү күрэхтэһиитин аһыллыытыгар СӨ Бырабыыталыстыбатын Бэрэссэдээтэлэ Кирилл Бычков бэлиэтээн эттэ.
«Бүгүҥҥү күрэхтэһиигэ үчүгэй бэлэмнээх пааралар күөн көрсөллөр диэн эрэнэбин. Киһини сөхтөрөр кэрэни күүтэбит«, — диэн кини күрэс кыттыылаахтарыгар туһаайан эттэ.
«Оҕолор манна ылбыт үөрүйэхтэрэ, кинилэри саҥаттан саҥа кыайыыга сирдиэҕэ«, — диир Кирилл Бычков.
Күөн күрэскэ сэттэ паара кыттарыттан, иккитэ Саха сириттэн. Спортивнай үҥкүүгэ двоеборьеҕа Уһук Илин, Сибиир, Урал ФУо, Москваттан, Монголияттан, ону сэргэ икки паара Саха сириттэн: Саха-1, Саха-2 кытталлар. Кыайыылаахтар бүгүн биллиэхтээхтэр.
«Аныгыскы күрэхтэһиилэргэ спортивнай үҥкүүгэ кыттааччылар элбииллэригэр эрэнэбин«, — диир Саха сиригэр үҥкүү успуордун Бэрэсидьиэнэ Людмила Николаева.
Саха сирин аатыттан Миласлава Мазанова, Арылхан Данилов уонна Анита Федорова, Тимофей Проводин кытталлар. Эдэр спортсменнар латиноамериканскай уонна европейскай бырагыраамаларга сатабылларын көрдөрүөхтэрэ.
«Азия оҕолоро» VIII спортивнай оонньуулар бэс ыйын 26 — от ый 7 күннэригэр ыытыллаллар.
СӨ Ил Дарханын уонна Бырабыыталыстыбатын пресс-сулууспата
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…