М. К. Аммосов аатынан Хотугулуу-Илиҥҥи федеральнай университет 7/1 уонна 8/2 нүөмэрдээх уопсайдарын сэбиэдэссэйдэриттэн өрөмүөн үлэтэ хайдах бара турарын туоһуластыбыт.
«Биһиги уопсайбытыгар өрөмүөн үлэтэ үмүрүйэн, билигин сууйуу-сотуу үлэтэ бара турар. Үлэ хайдах ааспытын туһунан быстах кэпсээтэххэ, уопсайбыт эркиннэрин ис-тас өттө барыта кырааскаланнылар, эргэрбит плиткалары, плинтустары, ааннары уларытан, саҥардан биэрдибит. Ону таһынан, хосторбут миэбэллэрэ уларыйдылар: саҥа ыскааптар, ороннор, олоппостор, остуоллар, шторалар кэлэннэр бэлэмнэр. Мин санаабар, төһө даҕаны бэлэмнэнии үлэтэ түбүктээх буоллун, бу «Азия оҕолоро» ыытыллаллара олус үчүгэй диибин, тоҕо диэтэр хас да сыл ыытыллыбатах өрөмүөммүт оҥоһулунна. 2004 сылтан уларыйбакка турбут миэбэллэрбит уларыйан олус үөрэн сылдьабыт. Уопсайдарбыт саҥардыллан, инники кэскиллэрбит — устудьуон оҕолорбут олорор усулуобуйалара тупсарыттан киһи эрэ үөрэр. Бу сылга 407 квоталаахпыт, Саха сириттэн уонна Ураллааҕы федеральнай уокуруктан спортсменнары кэтэһэбит. Оонньууларбыт этэҥҥэ аастыннар, кэлэр спортсменнары үөрэ-көтө көрсүөхпүт», – №7/1 уопсай сэбиэдиссэйэ Наталья Егоровна кэпсээтэ.
Салгыы 8/2 нүөмэрдээх уопсай үлэтин билистибит.
«Ыам ыйын 15 күнүттэн саҕалаан үлэ бара турар. Билиҥҥи туругунан улахан үлэтэ түмүктэннэ. Биһиги уопсайбытыгар Сибиирдээҕи федеральнай уокуруктан 288 спортсмен кэлэрэ күүтүллэр, бу нэдиэлэ бүтүүтэ үлэбит барыта үмүрүйэн уопсайбытын туттарыахтаахпыт. Туох үлэ барбытын туһунан сиһилии кэпсээтэххэ, бэлэмнэнии былырыыҥҥыттан бара турар. Холобур, былырыын уопсайбытыгар косметическай өрөмүөн үлэтэ оҥоһуллубута. Быйыл өрөмүөн кыралаан барда. Саҥа миэбэллэринэн, утуйар таҥаһынан хааччыйдылар. Кэнники күннэргэ ХИФУ туох баар бары үлэһиттэрэ субуотунньуктарга тахсан көмөлөһө сылдьаллар. Бэйэм бу 8/2 уопсайбыт кэлэктиибигэр улахан махталбын тиэрдиэм этэ, үлэһиттэр күүс-көмө буоллулар, ким даҕаны туора турбакка, өрөбүл күнү өрөбүл диэбэккэ, бары эйэ дэмнээхтик күүскэ үлэлээн – сыалбытын ситиһэн эрдэхпит» — диэн 8/2 нүөмэрдээх уопсай сэбиэдиссэйэ Роза Мартовна кэпсээтэ.
Сайыына Колодезникова, Тускуйана Игнатьева
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…