«Азия оҕолоро»: спортсменнар успуорт 15 көрүҥэр күрэхтэһэллэр

Бүгүн, от ыйын 2 күнүгэр, Саха сирин сүүмэрдэммит хамаандата успуорт 15 көрүҥэр кыттар.

Алта көрүҥҥэ түмүктүүр күрэстэр ыытыллыбыттар. Бу туһунан СИА суруйар.

Түмүк
10:00 — 11:00 ч. «Сулус» физкультурнай-чэбдигирдэр комплекска кикбоксиҥҥа полуфинал буолла.

10:00 — 13:30 ч. «Туймаада» стадиоҥҥа чэпчэки атлетикаҕа түмүк күрэхтэһии. Кыргыттар уонна уолаттар эстэпиэтэлэрэ, мэһэйдээх (барьердардаах) сүүрүү, үс км. марафон, сахалыы атах оонньууларыгар «куобахха» уонна уһуну ыстаныыга күрэхтэһиилэр.

13:40 — 15:45 ЯГНГ буулдьанан ытыыга күрэхтэһиэхтэрэ. 19:00 ч.кыайыылаахтары наҕараадалааһын буолуоҕа.

14:00 — 15:30 «Эллэй Боотур» дыбарыаска дзюдоҕа күрэхтэһии.

14:00 — 16:00 ч. «Дохсуҥҥа» кыргыттарга буоксаҕа күрэс. Бу кэмҥэ полуфиналга рингэҕэ боксердар Айсен Неустроев уонна Артур Севергин тахсыахтара.