«Азия оҕолоро»: сыал ытыытыгар кыһыл көмүс мэтээл баар!
Бүгүн, от ыйын 2 күнүгэр, А.Г. уонна Н.К. Чиряевтар ааттарынан саха национальнай гимназиятыгар буулдьанан ытыыга күрэхтэһии буолла.
Булкаас пааралар кыайыыны ылар иһин уоннуу миэтэрэлээх сиртэн сыал ыттылар. Манна Саха сирин спортсменнара кыайыыны ыллылар уонна кыһыл көмүс мэтээли ылары ситистилэр.
Түмүк киирсиигэ Валерия Винокурова уонна Николай Яковлев Урал ФУо спортсменнарын Арина Бугайы уонна Никита Хмелеву кытары илин-кэлин түһүстүлэр. Кинилэр Саха сирин бастакы хамаандатын бэрэстэбиитэллэрэ. Итиэннэ түмүккэ кыайыылааҕынан тахсан дьоннорун-сэргэлэрин эҕэрдэлэрин туттулар диэн СИА үөрүүтүн үллэстэр.
Урал бэргэн ытааччылара үрүҥ көмүс, Сибиир ФУо спортсменнара Анна Герасимова уонна Иван Кормышев боруонса мэтээлгэ тиксибиттэр. Кинилэр түмүккэ Саха сирин иккис хамаандатыттан Сюзанна Румянцеваны уонна Афанасий Егоровы кытары илин-кэлин түһүспүттэр.
Сообщить об опечатке
Текст, который будет отправлен нашим редакторам: