Саина Шеломова хаартыскаҕа түһэриитэ.
Бүгүн, олунньу 25 күнүгэр, Кемерово куоракка «Азия оҕолоро» кыһыҥҥы спортивнай иккис оонньуулар үөрүүлээх арыллыыта буолуоҕа. Бу күн Саха сирин сүүмэрдэммит хамаандата СӨ успуорка уонна физическэй култуураҕа миниистирин Леонид Николаевич Спиридоновы кытта көрүстэ.
Көрсүһүү Кемеровотааҕы судаарыстыбаннай университекка ыытылынна. «Оонньууларга биһиги өрөспүүбүлүкэбит хамаандата уон көрүҥтэн сэттэтигэр кыттар. Онно барыта 70 оҕо кыттыаҕа», — диэн хамаанда салайааччыта Михаил Варламов иһитиннэрдэ.
Тэрээһиҥҥэ успуорт миниистирэ Леонид Спиридонов, үҥкүү успуордун уонна уус-уран гимнастикаҕа федерациялар салайааччылара Людмила Николаева, олимпийскай чөмпүйүөн Павел Пинигин, Ил Түмэн ыччат дьыалаларыгар, успуора уонна физическэй култуураҕа сис кэмитиэтин бэрэссэдээтэлэ Михаил Гуляев, Ил Дархан сүбэһитэ Георгий Балакшин кытыннылар.
Леонид Николаевич: «Азия оҕолоро» биһиги өрөспүүбүлүкэбитигэр төрүттэмиттэриттэн киэҥ туттабыт. Уонна, биллэн турар, бу кыһыҥҥы иккис оонньууларга талыллан кэлбит спортсменнарбытынан эмиэ киэн туттабыт. Күөн көрсүү күүстээх буолуо», — диэтэ уонна ситиһиилэри баҕарда.
Онтон Алдантан сылдьар хайыһардьыт Инна Рыбкинаҕа миниистир үөрүүлээх быһыыга-майгыга сүүмэрдэммит хамаанда экипировкатын туттарда. Инна кыттааччылар ааттарыттан ситиһиилээхтик, үтүө суобастаахтык кыттыахпыт диэн харда тылын эттэ.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…