Хаартыска sakha.gov.ru ылылынна
Дьокуускайга 2024 сылга ыытыллар «Азия оҕолоро» норуоттар икки ардыларынааҕы VIII спортивнай оонньууларга талисманы толкуйдуурга куонкурус биллэриллибитэ. Дириэксийэ үлэлэри салгыы ылар. Куонкуруска 14 саастаах оҕолортон саҕалаан ким баҕалаах бары кыттар.
Оонньуу талисманынан ханнык баҕарар кыыл-сүөл эбэтэр толкуйдаммыт персонаж буолуон сөп. Саамай сүрүнэ, «Азия оҕолоро» ыытыллар сирин, ол эбэтэр Саха сирин көрдөрүөхтээх.
Куонкурус үс түһүмэхтээх:
Бастакы түһүмэх – 2023 с. муус устар 18 күнүттэн ыам ыйын 12 күнүгэр диэри ыытыллар. Бу кэм устатыгар куонкуруска кыттааччылар толкуйдаабыт дизайн-макеттарын «Конкурс Талисман» диэн бэлиэтээн баран, childrenofasia-yakutsk2024@yandex.ru электроннай почтаҕа ыыталлар.
Иккис түһүмэх — дьүүллүүр сүбэ хамаандата биэс бастыҥ үлэни талан ылар уонна норуоттар икки ардыларынааҕы спортивнай оонньуулар официальнай холбоһуктарыгар «Вконтакте» https://vk.com/gamesasia угуоҕа.
Үһүс түһүмэх — талыллыбыт үлэлэргэ куоластааһын ыытыллар.
Куонкурус түмүгэ 2023 сыл бэс ыйын 1 күнүгэр биллиэҕэ. Кыайыылаах «Азия оҕолоро» спортивнай оонньуулар дириэксийэтин аатыттан сыаналаах бирииһи тутуоҕа.
Бастыҥ дизайн-макет аныгыскы оонньуу сүрүн символынан буолуоҕа уонна сувенирнай бородууксуйалрга киллэрилиэҕэ.
Дьокуускайга ыытыллар «Азия оҕолоро» норуоттар икки ардыларынааҕы спортивнай оонньуулары көрсө куонкуруска кыттыҥ.
Куонкурус балаһыанньатын СӨ Успуорка уонна физкултуураҕа министиэристибэтин, «Азия оҕолоро» норуоттар икки ардыларынааҕы кэмитиэт саайтарыгар https://www.cagic.org/ билсиэххэ сөп.
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…
Саха сирин булчуттарын туһунан Аҕа дойду Улуу сэриитигэр Кыайыы 80 сылынан үтүө тылынан ахтан-санаан ааһыахтара. …
Муустаах муораны тайаан сытар Усуйаана улууһун кырдьаҕас Усуйаана нэһилиэгэр Улуу Кыайыы 80 сылыгар аналлаах араас…
Суолга сэрэхтээх буолуҥ! Браабыланы тутуһуҥ! Дьокуускайга күнүс 12 чаас диэки "Hyundai Creta" массыынаны ыытан испит…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Уус Алдан улууһун оскуолаларын 1987 сыллаахха бүтэрбит выпускниктар аахсыйаҕа көхтөөхтүк кытынныбыт. Ол курдук, биир дойдулаахпыт,…