Хаартыска: Владислав Владимиров тиксэриитэ
«Азия оҕолоро»норуоттар икки ардыларынааҕы оонньуулар бэрт сэргэхтик бара тураллар. Мас-рестлиҥҥэ Саха сириттэн Тимир Луковцев бастакы кыһыл көмүһү аҕалан, үөрүү бөҕө буолбуппут.
Бүгүн кини тириэньэрэ Владислав Алексеевич Владимиров санаатын үллэһиннэ:
— Мин Мэҥэ Хаҥалас улууһун Иван Михайлович Романов аатынан Төхтүр орто оскуолатыгар тириэньэрдиибин. Тимир Луковцев биһиэхэ Наахара орто оскуолатыттан спортивнай интэринээккэ кэлбитэ. Күһүнүгэр мас тардыһыытыгар эрчиллэн барбыта. Кыһын өрөспүүбүлүкэтээҕи турнирга миэстэлэспитэ. Бу оонньууларга кыайыытыгар үчүгэйдик дьарыктаммыта туһалаата дии саныыбын. Бэйэтин саастыы оҕолоругар үс сүүмэрдээһин буолбута. Бастакыга иккис миэстэ буолбута, финалга 2:1 ахсаанынан кыайбыта.
Сыл устата сүрдээх элбэх күрэхтэһиилэр аастылар. «Азия оҕолоругар» үчүгэйдик бэлэмнэнээри оскуолабыт дириэктэрэ Михаил Макаровтан, завуч Александра Холмогороваттан көҥүллэтэн, күҥҥэ иккитэ эрчиллэр этибит. Онтон Казахстаҥҥа матчевай көрсүһүүгэ барбыта, салгыы Монголиялаабыта. Ол кэнниттэн Дмитрий Саввинныын Манньыаттаахха сүүмэрдэммит хамаанда оҕолорун бэлэмнээбиппит.
Тимирдиин былааммыт элбэх. Ити сыллааҕы оҕолор эрчиллиэхтэрэ, онтон Арассыыйаҕа күрэхтэһиэхтэрэ. Эрчийэр уолбун өссө төгүл Кыайыытынан эҕэрдэлиибин!
Сахабыт сирин өҥүрүк куйааһын тулуйар киһи аҕыйах. Куйааһы киһи эрэ барыта уйбат, улаханнык эрэйдэнэр. Бэйэ…
Бүгүн, от ыйын 9 күнүгэр, күнү-дьылы кэтээн көрөөччүлэр Саха сирин үгүс улуустарыгар +35+39°С кыраадыс итии…
«Саха» Национальнай Көрдөрөр-иһитиннэрэр хампаанньа эрэдээктэрэ Альбина Тарабукина СӨ норуотун хаһаайыстыбатын үтүөлээх үлэһитэ, СӨ култууратын туйгуна,…
Амма Чапчылҕаныттан төрүттээх Андрей Мидловец 61 киилэлээхтэргэ диэри көҥүл тустууга Европатааҕы чөмпүйэнээккэ кыһыл көмүс мэтээли…
Дьиэ кэргэн, таптал уонна бэриниилээх буолуу күнүгэр эдэр ыалларга дьиэ кэргэн холумтанын бэлиэтэ буолар уоту-күөһү…
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар…