«АЗИЯ ОҔОЛОРО»: Дзюдо күрэҕэр кыайыылаахтары быһаардылар

«Азия оҕолоро» норуоттар икки ардыларынааҕы оонньууларга дзюдоҕа түмүктүүр күрэхтэһиитэ буолан ааста.

Татамига улаатан эрэр уолаттар үс уонна кыргыттар икки ыйааһыҥҥа күрэхтэстилэр.

«Мин барыта табылынна дии саныыбын. Спортсменнар көрөөччүлэри астыннарар, бэлэмнээхтэрин көрдөрөр туһуттан барытын оҥордулар. Оонньуу кыттыылаахтара бу күрэхтэһиилэртэн улахан уопуту ыллылар»,— диэн «Азия оҕолоро» VIII оонньууларын дзюдоҕа судьуйата Антонио Кастильо Рихо эттэ.
Дзюдо күрэхтэһиитин бары кыайыылаахтара уонна призердара сөптөөх мэтээллэринэн наҕараадаланнылар.