Хаартыска: СИА
«Азия оҕолоро» VIII спортивнай оонньуулар үөрүүлээх аһыллыыларын уонна сабыллыыларын тэрээһиннэригэр киирии билиэттэр чэпчэтиинэн туһанар сорох категория гражданнарга босхо бэриллиэҕэ. Бу туһунан СӨ физическэй култуураҕа уонна успуорка миниистирин бастакы солбуйааччыта Александр Бугаев брифинг кэмигэр иһитиннэрдэ.
Ол курдук, туһааннаах категорияҕа киирэллэр Аҕа дойду Улуу сэриитин бэтэрээннэрэ, огдооболоро, бойобуой дьайыы бэтэрээннэрэ, элбэх оҕолоох байыаннай дьайыы кыттыылаахтарын дьиэ кэргэттэрэ, ону сэргэ инбэлиит оҕолоох байыаннай дьайыы кыттыылаахтарын дьиэ кэргэттэрэ, инбэлиит, тулаайах оҕолор, төрөппүт көрүүтэ-истиитэ суох хаалбыт оҕолор. Бу оҕолор бары арыаллыыр улахан киһилээх эрэ сылдьыахтаахтар.
Тэрээһин аһыллыытын уонна сабыллыытын аахпакка туран, успуорт тэрээһиннэригэр элбэх оҕолоох дьиэ кэргэттэргэ 50 % чэпчэтиилээх көрүллүөхтэрэ. Биэстэн элбэх оҕолоох дьиэ кэргэттэргэ – 100 % чэпчэтии көрүллүөҕэ. Оттон 17 саастарыгар диэри оҕолор босхо сылдьыахтара.
«Азия оҕолоро» VIII спортивнай оонньуулар аһыллыыларын билиэттэрэ муус устар 26 күнүттэн https://yakutsk2024.org саайтка атыыга тахсыбыттара. Билиэттэр сыаналарын тэрийэр кэмитиэт бигэргэппит. Ол курдук сыаналара араастаһар: 2 — 3,5 тыһ.солк.
Оттон успуорт тэрээһиннэригэр – 100 солк, полуфиналга уонна финалга киирии – 200 солк.
Билиэт атыылыыр 14 пуун үлэлиэҕэ.
«Азия оҕолоро» оонньуулар үөрүүлээх аһыллыылара бэс ыйын 26 күнүгэр киэһэ 19:00 ч. Н.Н.Тарскай аатынан «Туймаада» стадиоҥҥа буолуоҕа.
Бэлиэтээн эттэххэ, дойду Бэрэсидьиэнэ Владимир Путин «Азия оҕолоро» оонньуулары оҕо успуордун сайыннарыыга саамай ситиһиилээх бырайыак быһыытынан бэлиэтээбитэ.
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин…
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа…