Бэҕэһээ, от ыйын 4 күнүгэр, Дьокуускайга «Азия оҕолоро» оонньууларын волейболга квалификационнай күрэхтэһиилэрэ түмүктэннэ.
Успуорт бу көрүҥэр барыта кыргыттар 8, уолаттар 9 хамаандалара кытыннылар. Кыргыттар ортолоругар волейболга финалистар быһаарылыннылар: бастакы миэстэ иһин Беларусь уонна Урал федеральнай уокуругун хамаандалара, үһүс миэстэ иһин Узбекистан уонна Сибиир федеральнай уокуругун хамаандалара оонньууллар.
Уолаттар ортолоругар полуфиналистар эрэ быһаарылыннылар. Бүгүн Казахстан уонна Сибиир федеральнай уокуругун, Беларусь уонна Узбекистан хамаандаларыгар полуфиналга киирсиилэр буолуохтара.
«Оонньуулар бары олус тыҥааһыннаахтык ааһаллар, биир да хамаанда бэйэлэрин икки ардыларыгар улаханнык араастаспаттар. Көрөөччүлэр спортсменнары олус өйүүллэр, волейбол дьоҥҥо-сэргэҕэ биир тапталлаах успуорт көрүҥэ буолара арылыччы көстөр», — диэтэ «Азия оҕолоро» норуоттар икки ардыларынааҕы оонньуулар волейболга сүрүн судьуйалара Сергей Сениченко.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…