Хаартыска: СИА
Бэс ыйын 28 күнүттэн от ыйын 5 күнүгэр диэри волейболга күрэхтэһиилэр саҕаланнылар. Кыргыттар хамаандалара «Чыпчаал» уонна «Стерх» спортивнай уораҕайыгар киирсэллэр, оттон уолаттар ортолоругар күрэхтэһиилэр «Стерх» спортивнай уораҕайыгар ыытыллаллар.
Уолаттар ортолоругар турнирга тоҕус хамаанда, кыргыттар ортолоругар аҕыс хамаанда кыттар. Волейбол успуорт көрүҥэ аан бастаан «Азия оҕолоро» оонньуулар бырагырааматыгар 2000 сыллаахха киллэриллибитэ.
Бырагырааманан бүгүҥҥүттэн, бэс ыйын 29 күнүттэн, бастакы түөрт хонук устата барыллаан күрэхтэһиилэр ыытыллаллар. Кыргыттарга Саха сирин хамаандата Урал федеральнай уокурук хамаандатын кытта киирсиэҕэ, иккис күнүгэр эбиэт кэнниттэн Сибиир федеральнай уокурук хамаандатын кытта күөн көрсүөҕэ, салгыы от ыйын 1 күнүгэр Казахстан сүүмэрдэммит хамаандатын кытта күрэхтэһиэҕэ.
Уолаттар хамаандалара бастакы күн Беларусь хамаандатын кытта киирсиэҕэ, иккис күн, бэс ыйын 30 күнүгэр, Урал федеральнай уокурук сүүмэрдэммит хамаандатын кытта күөн көрсүөҕэ, ол кэннэ от ыйын 2 күнүгэр Казахстан сүүмэрдэммит хамаандатын кытта күрэхтэһиэҕэ уонна от ыйын 3 күнүгэр Уһук Илин федеральнай уокурук хамаандатын кытта киирсиэҕэ.
Полуфиналга тахсар иһин киирсиилэр сүүмэрдэммит хамаандалар икки ардыларыгар от ыйын 3-4 күннэригэр ыытыллыахтара. Балаһыанньа быһыытынан, аныгыс
түһүмэххэ бөлөхтөртөн полуфиналга саамай элбэх очколаах иккилии күүстээх хамаандалар тахсыахтара. Сэрэбиэйинэн уолаттар уонна кыргыттар ортолоругар волейболга күрэхтэһиилэр икки бөлөҕүнэн арахсан ыытыллаллар:
Уолаттар.«А» бөлөх:
Урал федеральный уокурук
Саха Өрөспүүбүлүкэтэ
Казахстан Өрөспүүбүлүкэтэ
Уһук Илиҥҥи федеральнай уокурук
Беларусь Өрөспүүбүлүкэтэ
Уолаттар.«В» бөлөх:
Кыргызстан Өрөспүүбүлүкэтэ
Сибиир федеральнай уокурук
Палестина
Узбекистан Өрөспүүбүлүкэтэ
Кыргыттар. «А» бөлөх:
Урал федеральнай уокурук
Казахстан Өрөспүүбүлүкэтэ
Сибиир федеральнай уокурук
Саха Өрөспүүбүлүкэтэ
Кыргыттар. «В» бөлөх:
Узбекистан Өрөспүүбүлүкэтэ
Уһук Федеральнай уокурук
Кытай Норуодунай Өрөспүүбүлүкэтэ
Беларусь Өрөспүүбүлүкэтэ.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…