Евгения Петрова хаартыската
«Азия оҕолоро» оонньууларга элбэх волонтердар үлэлииллэр. Волонтер, ХИФУ устудьуона Ольга Захарова оонньууларга үлэтин туһунан кэпсээтэ. Кини контролер-распорядитель. Күрэхтэһиилэргэ, тэрээһиннэргэ киириигэ дьону бэрэбиэркэлиир.
— Ольга, волонтер үлэтин туһунан кэпсээ, тоҕо волонтер буоларга санаммыккыный?
— Мин доҕотторбун кытары «Азия оҕолоро» оонньууларга үлэлиэхпин баҕарбыппыт. Элбэх оҕолору кытта билсиһээри уонна устудьуоннуур кэммин уратытык атаараары. Волонтер буоларга сайаапканы онлайн ыыппытым, ол кэннэ сүүмэрдээһини ааһан икки күннээх үөрэххэ сылдьыбытым.
— Бэлэмнэнии хайдах ааспытай?
— Новосибирскайтан ыҥырыллан кэлбит дьоннор үөрэппиттэрэ. Тэрээһиннэргэ, күрэхтэһиилэргэ киириигэ дьону хайдах бэрэбиэркэлииргэ үөрэппиттэрэ уонна быраабылалары кэпсээбиттэрэ. Бастакы күҥҥэ үөрэппиттэрэ, оттон иккис күҥҥэ тургутууну ааспыппыт. Бу кэннэ 20 боппуруоска эппиэттээбиппит. Аҕыйах сыыһалаах оҕолор эрэ үлэҕэ киирбиттэрэ.
— Волонтер үлэтин сөбүлээтиҥ дуо?
— «Азия оҕолоругар» үлэлиирбин сөбүлээтим аҕай. Элбэх доҕоттордоннум уонна улахан тэрээһиннэргэ үлэлииргэ уопут ыллым. Наһаа ыарахана суох, төттөрүтүн интэриэһинэй эбит. Кэлин даҕаны волонтердуоҕум.
Евгения Петрова
Дьааҥы Табалааҕыттан төрүттээх Дьокуускай куоракка олорор биир дойдулаахтар түмсүүлэрин көхтөөх актыбыыһынан биллэр Елизавета Потапова быйыл…
Бүгүн, от ыйын 5 күнүгэр, хапсаҕайга, курашка, буоксаҕа, волейболга уонна үрдүккэ хатаастан тахсыыга (скалолазание) бастыҥнары…
«Азия оҕолоро» норуоттар икки ардыларынааҕы оонньуулар биир кэрэхсэнэр күрэхтэһиилэринэн хапсаҕайдаһан тустуу буолар. Үгүс киһи аан…
"Азия оҕолоро" оонньууларын кэмигэр хас биирдии күрэхтэһии буолар сирин аттыгар билиэт уонна сувенир атыылыыр, суумкаҕын…
Саха сиригэр ойуур баһаарын умуруорууга 1600 киһи, ол иһигэр анал идэлээх 700 баһаары утары охсуһааччы…
Хапсаҕайга Саха сирин сүүмэрдэммит хамаандата алта мэтээллээх. Итинтэн иккитэ - кыһыл көмүс. Хапсаҕай күрэһэ "Триумф"…