Хаартыска: СИА
Бэлэмнэнии үлэлэр хайдах ыытыллалларын туһунан тэрийэр кэмитиэт мунньаҕар этилиннэ.
—Норуоттар икки ардыларынааҕы «Азия» оҕолоро успуорт оонньуулара Саха сиригэр уонна Арассыыйаҕа уопсастыбаннай-бэлитиичэскэй уонна успуорт олоҕун эйгэтигэр биир сүрүннэринэн буолар. Бэлэмнэнии үлэлэр көхтөөхтүк салҕаналлар«, — диэн бэлиэтиир СӨ Бырабыыталыстыбатын Бэрэссэдээтэлин солбуйааччы Сергей Местников.
Оонньууга кыттарга 3555 киһи бэлиэтэммитин мунньах түмүгэр эттилэр. Бүгүҥҥү күҥҥэ 22 дойдуттан уонна Арассыыйа биэс эрэгийиэниттэн кыттар баҕалаахтарын биллэрбиттэр. Азия түөрт дойдутун кытары үлэ ыытыллар.
Оонньууга бырагырааманы бигэргэтэллэр. Маныаха, успуорт тэрээһиннэригэр квалификационнай күрэхтэһиилэргэ сыананы 100 солк. диэн былаанныыллар. Полуфиналга, финалга — 200 солк. Бары күрэхтэһиилэргэ (абонемент) — 1500 солк. Оонньуу аһыллыыта уонна түмүк тэрээһинэ сектортан тутулуктанан 2000-3500 солк. Билиэттэр сыаналара ырыынак сыаналарын ырытыыга олоҕуран, Оонньуулар кэмитиэттэрин сөбүлэҥнэринэн оҥоһуллар. Маны таһынан, чэпчэтиилээх категориялар диэн быһаарыллаллар.
Далааһыннаах тэрээһин күрэхтэһиитигэр 3 тыһ. тахса киһи кыттар, итинтэн 1,3 тыһ. тахса кыттааччыта тас дойдуттан диэн этиллэр. Успуорт түмүктэрин 770 судьуйа сыаналыыр.
Оонньуулар арыллыыларыгар өрөспүүбүлүкэ бары муннугуттан уопсайа 4 тыһ. киһи кыттара былааннанар. Ол иһигэр, 9-16 саастаах 1,8 тыһ. оҕо уонна 18-55 диэри саастаах 2,2 тыһ. улахан дьон.
Санатар буоллахха, «Азия оҕолоро» оонньуулар презентациялара «Арассыыйа» быыстапка-пуорумҥа туруоруллубута. Бу Москваҕа ВДНХ РФ Бэрэсидьиэнэ В.Путин сорудаҕынан ыытыллар. Презентация түмүгүнэн СӨ Ил Дархана Айсен Николаев уонна РФ Олимпийскай кэмитиэтин Бэрэсидьиэнэ Станислав Поздняков олимпийскай хамсааһыны сайыннарыы уобалаһыгар хардарыта сибээстээх үлэлииргэ Сөбүлэһиигэ илии баттаабыттара.
«Азия оҕолоро» норуоттар икки ардыларынааҕы спортивнай оонньуулары СӨ Бастакы Бэрэсидьиэнэ М.Е.Николаев төрүттээбитэ. Оонньуулар 1996 сылтан саҕалаан түөрт сылга биирдэ, «Азия оҕолоро» норуоттар икки ардыларынааҕы кэмитиэт тэрээһининэн ыытыллаллар. Оонньулар сыаллара-соруктара — оҕо-ыччат успуордун сайыннарыы уонна норуоттар икки ардыларынааҕы спортивнай бииргэ үлэлэһиини бөҕөргөтүү.
СӨ Ил Дарханын уонна Бырабыыталыстыбатын пресс-сулууспата
СӨ Бэтэринээрийэҕэ департамена иһитиннэрбитинэн, бу ыйга Мархатааҕы бэтэринээринэй учаастакка сылгылары иитэр киһи сибээскэ тахсан көмөҕө…
Кэбээйилэр халаан уутугар олохтоохтук бэлэмнэнэн олороллор, ол гынан баран, билигин даҕаны Батамайга, Сииттэҕэ, Арҕаска уонна…
Бүгүн – ырыа күнэ. Ырыа -- олох аргыһа диэн мээнэ эппэтэх буолуохтаахтар. “Саха сирэ” өрөспүүбүлүкэтээҕи хаһыат…
Дьокуускай -- Аллараа Бэстээх хайысханан паромнар ыам ыйын 25 күнүттэн сылдьан саҕалыахтара. Бу туһунан "Саха…
Ыам ыйын 20 күнүгэр халааны аһарыы боппуруостарын ЫБМ сэрэтиигэ уонна туоратыыга уонна өрөспүүбүлүкэҕэ баһаартан куттала…
Ытыктабыллаах Саха сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан Полярник күнүнэн эҕэрдэлиибин! Бу…