Хаартыска: СИА.
VIlI «Азия оҕолоро» норуоттар икки ардыларынааҕы успуорт оонньуулара чугаһаатар чугаһыыр. Айсен Николаев оонньууга бэлэмнэнии хаамыытын хонтуруоллуур мунньаҕы ыытта. Мунньахха эбийиэктэр бэлэмнэрин, култуура бырагырааматын, тырааныспарынан, мэдиссиинэнэн хааччыйыы боппуруостарын ырыттылар, оонньуу аһыллыытын-сабыллыытын сценарийдарын чуолкайдаатылар.
— «Азия оҕолоро» норуоттар икки ардыларынааҕы кэмитиэт, федеральнай министиэристибэлэр, өрөспүүбүлүкэ салалтатын үлэлэрин түмүгүнэн, оонньууга кыттыһар, чуолкай кэлэр дойду ахсаана лаппа элбээтэ. Бэрэсидьиэн Владимир Путин Кытайга бара сылдьан, атлеттары «Азия оҕолоругар» кыттарга ыҥырбыта. «Азия оҕолоро» оонньуу оҕо успуордугар аан дойдуга биир саамай улахан күрэхтэһии буолуохтаах. Онон бэлэмнэнии суһаллык, хаачыстыбалаахтык ыытыллыахтаах, — диэн Ил Дархан эттэ.
Күрэхтэһиилэргэ 27 дойдуттан уонна Арассыыйа эрэгийиэннэриттэн 3,5 тыһыынча спортсмен кыттара былааннанар. Хас биирдии хамаандаҕа эппиэттээх киһи сыһыарыллар.
Билигин эбийиэктэри бэлэмнээһин үлэтэ түмүктэнэн эрэр. Сайсары уокуругар успуорт сааланы тутуу, атын саалалары, стадионнары өрөмүөннээһин ыам ыйын 31 күнүгэр түмүктэнэр. Куораты тупсарыы үлэтэ бэс ыйын 15 күнүгэр түмүктэнэр.
Кыттааччылары түһэрэр, аһатар эбийиэктэр бэс ыйын 20 күнүгэр бэлэм буолаллар. Эбийиэктэр үлэһиттэрэ билигин мэдиссиинэ көрүүтүн баран, быһыылары ыла сылдьаллар. Спортсменнар дэриэбинэлэригэр кыттааччылары бэс ыйын 23 күнүттэн киллэрэн саҕалыахтара. 31 мэдиссиинэ пууна, ол иһигэр 15 пуун күнүстэри-түүннэри үлэлиэҕэ.
Ил Дархан терроризмы утары миэрэлэри күүһүрдүү, эрчиллэр тэрээһиннэри ыытыы, кыттааччылары, тэрийээччилэри, волонтердары аккредитациялааһын боппуруостарын сыыдамсытарга соруйда. «Азия оҕолоро» успуорт оонньуулара бэс ыйын 25 күнүттэн от ыйын 7 күнүгэр диэри успуорт 24 көрүҥэр Дьокуускайга ыытыллыаҕа.
Бэрэсидьиэн Владимир Путин «Азия оҕолорун» — «оҕо-ыччат успуордугар биир саамай интэриэһинэй уонна ситиһиилээх бырайыак» диэн ааттаан турар.
Ил Дархан, бырабыыталыстыба пресс-сулууспата.
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…