«Азия оҕолоругар» миэдиктэр бэркэ үлэлээтилэр
![](https://sakha-sire.ru/wp-content/uploads/2024/07/a0a6e1da3f25d0216adc06a3737e73cdbc475683-960x596.jpeg)
Арассыыйа Доруобуйа харыстабылын министиэристибэтэ уонна Саахал мэдиссиинэтин федеральнай киинэ 2024 сыл бэс ыйын 26 күнүттэн от ыйын 7 күнүгэр диэри Саха сиригэр ыытыллыбыт VIII «Азия оҕолоро» норуоттар икки ардыларынааҕы спортивнай оонньууларга үлэлээн, мэдиссиинэ көмөтүнэн хааччыйдылар.
Оонньуулар ыытыллар сирдэригэр 31 биэлсэр пууна, 57 көһө сылдьар биэлсэр биригээдэтэ, 18 суһал мэдиссиинэ биригээдэтэ, 484 миэдик дьуһуурустубалаабыттара.
Үксүгэр олоҕурбут ыарыылар бэргээбиттэринэн, ону тэҥэ, кыра эчэйиилэргэ, ол иһигэр, спортивнай эчэйиилэргэ миэдиктэр көмө оҥорбуттара.
Күрэхтэһии саҕаланыаҕыттан 434 киһиэхэ мэдиссиинэ көмөтө оҥоһулунна, олортон 306 оҕоҕо, ол иһигэр, 155 спортсменнарга. 28 киһи балыыһаҕа киллэриллибит, кинилэртэн 17 киһи балыыһаттан тахсыбыт, атыттар эмтэниини салгыыллар.
Ил Дархан, бырабыыталыстыба пресс-сулууспата.
Сообщить об опечатке
Текст, который будет отправлен нашим редакторам: