Хаартыска sakha.gov.ru ылылынна.
«Азия оҕолоругар» наҕараадалары күрэхтэһии ыытыллар пааркатыгар туттаран иһиэхтэрэ.
Бу туһунан брифиҥҥэ СӨ физкултуураҕа уонна успуорка миниистирин бастакы солбуйааччы Александр Бугаев иһитиннэрдэ.
—«Азия оҕолоро» норуоттар икки ардыларынааҕы спортивнай оонньууларга успуорт 24 көрүҥэр 239 кэмпилиэк мэтээл оонньонуо. Наҕараадалааһын икки түһүмэҕинэн ыытыллыа. Бастакы түһүмэх — сибэкки дьөрбөлөрүн туттарыы күрэхтэһии ыытыллар эбийиэктэригэр буолуоҕа. Кыайыылаахтарга мэтээллэри туттарыы күрэхтэһии ыытыллар пааркаларыгар хас күн аайы киэһээ тэрээһин түмүгэр, — диир Александр Бугаев.
Мэтээллэр кэмпилиэктэрин эксэмпилээрдэрэ оҥоһуллан, сөбүлэҥҥэ аҕалыллыбыттар. Кэмпилиэккэ мэтээллэр хаалаахтар, дипломнар бааллар, сымнаҕас оонньуурдар (талисманнар) уонна хамаанданан күрэхтэһиигэ кубоктар киирэллэр. Маны сэргэ, мэтээллэр кыайыылаахтар тириэньэрдэригэр эмиэ туттарыллаллар.
Билигин «Лица Игр» бөлөҕөр кыргыттары сүүмэрдииллэр, кинилэр кыайыылаахтары, призердары наҕараадалааһыҥҥа кыттыахтара.
«Азия оҕолоро» оонньуулар Дьокуускайга бэс ыйын 25 күнүттэн от ыйын 7 күнүгэр диэри ыытыллар.
Сиһилии https://www.sakha.gov.ru/news/front/view/id/3393120 манна ааҕыахха сөп.
СӨ Ил Дарханын уонна Бырабыыталыстыбатын пресс-сулууспата
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…