Кемеровскай уобаласка буола турар норуоттар икки ардыларынааҕы «Азия оҕолоро» спортивнай кыһыҥҥы иккис оонньуулар алтыс күнүн түмүгүнэн Саха сирин сүүмэрдэммит хамаандата мэтээл ахсаанынан онус миэстэҕэ таҕыста. Бу иннинэ хамаандабыт 12-с сылдьар этэ.
Бэҕэһээ хайыһардьыттар үс мэтээли — биир боруонса, икки үрүҥ көмүс мэтээллэри аҕаланнар, хамаандабыт балаһыанньата тубуста. Хайыһар спринт көрүҥэр Алдаҥҥа баар Өрөспүүбүлүкэтээҕи Олимпийскай эрэллэр спортивнай оскуолатын иитиллээччилэрэ — Инна Рыбкина, Вадим Ширяев уонна Вадим Кривоногов ситиһиилэммиттэрэ. Ол иннинэ сноубордка Илья Соколов боруонса мэтээли ылбыта.
Онон барыта түөрт мэтээллээх Саха сирин хамаандата Кыргызстан, Татарстан, Армения, Афганистан, Кувейт, Узбекистан, Ливан, Туркменистан, Таиланд хамаандаларын кэннигэр хаалларда.
Оттон мэтээл сочуотугар бастакы миэстэҕэ барыта 27 мэтээллээх (13 кыһыл көмүс, 4 үрүҥ көмүс, 10 боруонса) Москва хамаандата, иккис миэстэҕэ 23 мэтээллээх (9 кыһыл көмүс, 9 үрүҥ көмүс, 5 боруонса) Сибиирдээҕи федеральнай уокурук уонна үһүс миэстэҕэ 17 мэтээллээх (6 кыһыл көмүс, 6 үрүҥ көмүс, 5 боруонса) Ураллааҕы федеральнай уокурук сылдьаллар.
Эспиэрдэр бэлиэтииллэринэн, кулун тутар 3 күнүгэр ыытыллыахтаах хайыһар эстафетатыгар Саха сирин хамаандата мэтээл ылар кыахтаах. Манна Вадим Ширяев, Павел Сергеев, Инна Рыбкина уоннаНина Садовская кыттыахтара диэн тириэньэрдэрэ Вячеслав Пономаренко иһитиннэрэр.
Дьулустаан Сергеев хаартыската, СИА.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…