Хаартыска: Саха сиригэр спортивнай үҥкүү түмсүүтүттэн
«Азия оҕолоро» норуоттар икки ардыларынааҕы спортивнай оонньуулар буолаллара чугаһаан иһэр. Бу далааһыннаах тэрээһиҥҥэ Саха сирин спортивнай үҥкүүгэ сүүмэрдэммит хамаандата хайдах бэлэмнэнэрий?
Иһитиннэрбиттэринэн, сүүмэрдэммит хамаандаҕа өрөспүүбүлүкэ икки күүстээх паарата киирбит. Кинилэр Арассыыйа таһымыгар Саха сирин чиэһин көмүскээбиттэрэ.
Ол курдук, бастакы паара — Арылхан Данилов уонна Миласлава Мазанова. Кинилэр Уһук Илиҥҥэ бастыыр иһин күрэхтэһии финалистара, Арассыыйа чөмпүйэнээтин кыттыылаахтара. Быйыл тохсунньуга А-кылааһы ылбыттара. Бу спортсменнар маастарыстыбаларын көрдөрөр. Паара Уһук Илиҥҥэ бастыыр иһин күрэхтэспитэ, финалга киирбитэ уонна Арассыыйа чөмпүйэнээтигэр ситиһиилээхтик кыттар чиэскэ тиксибиттэрэ. Үҥкүүһүттэр 1 спортивнай разрядтарын бигэргэппиттэр.
«Арассыыйа чөмпүйэнээтигэр Арылхан уонна Мила 130 паараттан 51 буолбуттара. Бу ситиһии. Арассыыйа чөмпүйэнээтигэр өрөспүүбүлүкэттэн кинилэр талыллыбыттара. Ити чөмпүйэнээккэ дойду бастыҥ үҥкүүһүт пааралара кытталлар. Маны таһынан, Арылхан уонна Мила аан бастаан саҥа категорияҕа кытталлар. Юниордар-2 14/15 саастаахтарга, — диэн кэпсиир Саха сирин сүүмэрдэммит хамаандатын ыстаарсай тириэньэрэ Павел Лопатин.
Павел Лопатин хаһыс да сылын Саха сирин бастыҥ спортсменнарын спортивнай үҥкүүгэ дьарыктыыр. Кини ааттаах-суоллаах спортсмен. Профессиональнай лигаҕа уон үҥкүүгэ (двоеборье) Арассыыйа чөмпүйүөнэ уонна аан дойдуга икки төгүллээх вице-чөмпүйүөн.
Сүүмэрдэммит хамаанда иккис паарата — Тимофей Проводин уонна Анита Федорова. Кинилэр турнирдарга «А» категорияҕа уонна финалга кытыннылар. Партнерша эчэйиини ылан, паара Арассыыйа чөмпүйэнээтигэр киирбэтэ. Билигин кинилэр турунан эрчиллэллэр, бэлэмнэнэллэр.
Талыллыбыт пааралар Дьокуускайга «Реверанс» кулуупка тириэньэр Нелли Лиллоҕа уонна Москваҕа эрчиллэллэр.
Сүүмэрдэммит хамаанда инникитин Арассыыйатааҕы масштабтаах күрэхтэһиилэргэ уонна А кылаастаах турнирдарга кыттыа. Муус устар бүтүүтүгэр Санкт-Петербурга турнир ыытыллар. Онно Арылхан Данилов уонна Миласлава Мазанова кыттыахтара. Маны таһынан, Москваҕа «Вальс Победы», «Гранд данс», «В ритмах лета-2024», «Кубок Оникса-2024» Арассыыйатааҕы күрэхтэһиилэр күүтэллэр. Турниртан турнирга, күрэхтэһииттэн күрэхтэһиигэ кыттан үөрүйэхтэнэллэр. Итинник элбэх тэрээһиҥҥэ, күрэхтэһиилэргэ кыттан, «Азия оҕолоругар» эрдэттэн бэлэмнэнии, чочуллуу ыытыллар.
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…