“Азия оҕолоругар” тугу кэрэхсээтим?

“Азия оҕолоро” норуоттар икки ардыларынааҕы успуорт оонньууларын Саха сирин олохтоохторо биһирээн көрөллөр.

Дьокуускай куорат олохтооҕо Максим Ксенофонтов санаатын бу курдук үллэһиннэ:

— Мин Саха сиригэр “Азия оҕолоро” оонньуулар ыытылла туралларыттан үөрэбин. Бэйэм өр сылларга оскуолаҕа учууталлаабыт  буоламмын, оҕолор кыттыыларын интэриэһиргиибин.

Бу сырыыга атах оонньууларын сөбүлээн көрдүм. Тас дойду оҕолоро маладьыастар эбит диэн хайҕаатым. Өлүөхүмэттэн биир уол кыттар эбит. Киниэхэ ыарыйдым. Сарсын түмүккэ баҕар миэстэлэһиэ диэн эрэнэбин.

Инникитин даҕаны өрөспүүбүлүкэбит бу киэҥ хабааннаах оонньууларга бары өттүнэн маннык үрдүк бэлэмнээх күрэхтэһээччилэри көрсөрүгэр баҕарабын. Маннык оонньуулар түмүктэригэр бастыҥ спортсменнар иитиллэн тахсыахтара, оҕо успуорда сайдыаҕа.

Хаартыска: “Азия оҕолоро” оонньуу кэмигэр. Ааптар хаартыската