«Азия оҕолоро» кыһыҥҥы спортивнай иккис оонньуулары үгүскүт күөх экраанынан көрө, оҕолорбутугар ыалдьа олорор буолуохтааххыт. Оонньуулар бары көрүҥнэрин саҕаланыаҕыттан бүтүөр диэри тэлэбиидэнньэнэн «Матч ТВ» федеральнай спортивнай ханаал сырдатар.
Бу күннэргэ Кузбааска ханаал 170-тан тахса үлэһитэ кэлэн быһа биэрии кэмигэр тахсарын көрө-истэ, оҥоро сылдьар.
Оонньуулары сырдатар үлэҕэ Саха сириттэн «Саха» национальнай көрдөрөр-иһитиннэрэр хампаанньа үлэһиттэрэ эмиэ бааллар. Хампаанньа техническэй дириэктэрэ Игорь Николаевич Павлов хамаандатын илдьэ кэлэн үлэлии-хамныы сылдьар. Үлэ сүнньүн, хайдах тэриллэн Дьокуускайтан кэлбиттэрин туһунан кини маннык иһитиннэрдэ:
— Бу иннинэ Кемеровоҕа командировкаҕа кэлэммит «Матч ТВ» ханаалы кытта хайдах, туох быһыылаахтык үлэлиирбитин быһаарсыбыппыт. Онтон олунньу 12 күнүттэн «КамАЗ», микро-оптуобус, тэлэбиидэнньэ ыстаансыйата (ПТС — передвижная телевизионная станция) буолан Дьокуускайтан айаҥҥа туруммуттара. Уопсайа отучча киһи кэллэ, ол иһигэр: инженердэр, оператордар, звукорежиссердар, суоппардар, каадыры хос көрдөрөр режиссер бааллар. Оттон сүрүн өртүн «Матч ТВ» режиссердара, продюсердара дьаһайаллар. Биһиги хамаандабыт кулун тутар 1 күнүттэн Междуреченскайтан Кемерово тиийэн, аны хайыһар күрэхтэһиилэрин устуохпут. Иккис ыстаансыйабыт Новокузнецкайга хоккейга, фигурнай хаҥкылааһыҥҥа үлэлии сылдьар. Маннык уопсайа биэс ыстаансыйа, ол иһигэр иккитэ биһиэнэ буоламмыт үлэлиибит.
Сигналбыт Москваҕа быһалыы тиийэр, онтон комментарийданан, ситэриллэн-хоторуллан эпиир буолан эрэгийиэннэргэ тарҕанар. Оонньуулары Саха сиригэр «Саха», «Якутия 24» уонна «Мамонт» ханаалларга көрүөххэ сөп.
Онон, Саха сириттэн төрүттээх оонньуулары сырдата диэн өрөспүүбүлүкэбититтэн отучча киһилээх халыҥ хамаанда тэлэбиидэнньэнэн сырдатыыга көмөлөһө, үлэлии сылдьара кэрэхсэбиллээх.
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…