Хаартыска: СИА.
Ил Дархан Айсен Николаев Дьокуускайга Ильменскэй уулууссаҕа тутулла турар элбэх дьайыылаах спортивнай сааланы баран көрдө-иһиттэ.
Бу эбийиэк 77-с кыбаарталга “Демография” национальнай бырайыак “Спорт – олох нуормата” бырайыагын, «Развитие физической культуры и спорта Республики Саха (Якутия)», «Комплексное развитие социальной инфраструктуры ГО «город Якутск» на 2017-2032 годы» бырагыраамалар чэрчилэринэн тутуллар.
Эбийиэк сыбаайата түспүт, ититии ситимин, турбаларын тирэхтэрэ турбуттар. Билигин каркааһын, сылааһынан хааччыйыыны оҥорор үлэлэр ыытыллаллар. 26 оробуочай, 3 тиэхиникэ үлэлии сылдьаллар.
“Монтажник” кэпэрэтиип бэрэссэдээтэлин солбуйааччы Александр Ханин этэринэн, үлэ бу сааскыттан саҕаламмыт. Сэтинньигэ холлоҕоһун туруоран, ититиини киллэрэр былааннаахтар, оччотугар үлэ бытарҕан тымныыга да тохтообот.
Икки этээстээх комплекс 2,8 тыһыынча кв.м. иэннээх, 400 миэстэлээх трибуналардаах саалалаах, художественнай гимнастиканан, буоксанан дьарыктанарга аналлаах саалалардаах буолуоҕа. Тиэргэнигэр сынньанар сир, спортивнай былаһаакка, массыына турар сирдэрэ баар буолуохтара.
Бу комплекс 2024 сыл бэс ыйын 25-от ыйын 7 күннэригэр буолуохтаах VIII аан дойдутааҕы “Азия оҕолоро” спортивнай оонньуулар ыытыллар 16 былаһааккаларыттан биирдэстэрэ буолар. Манна волейболга күрэхтэһиилэр ыытыллыахтара.
Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…