Хаартыска sakha.gov.ru ылылынна
Норуоттар икки ардыларынааҕы «Азия оҕолоро» успуорт оонньууларын көрсө Дьокуускайга икки эбийиэги тутуохтара уонна 14 эбийиэккэ хапытаалынай өрөмүөн ыытыллыа.
2024 сылга «Азия оҕолоро» киэҥ далааһыннаахтык ыытыллар успуорт оонньууларын көрсө бу үлэлэр ыытыллалларын туһунан СӨ вице-премьерэ Дмитрий Садовников иһитиннэрдэ.
«Азия оҕолоро» тохтобул кэнниттэн Сахатын сиригэр эргиллэр. Маныаха биһиги сорукпут — үрдүк таһымнаахтык тэрийэн ыытыы. Бу эрдэттэн бэлэмнэнии, тэрээһин үлэтиттэн тутулуктаах буолуо«, — диэн кини бэлиэтиир.
Манна тутуу боппуруоһа көрүлүнэ. Этиллибитинэн, Сайсарыга элбэх хайысханы толорор успуорт саалата, Хатаска успуорт комплекса киллэриллиэхтээхтэр. Ону таһынан, уон түөрт эбийиэккэ өрөмүөн ыытыллара былааннанар. Олор ортолоругар, «Кыайыы 50 сыла» успуорт дыбарыаһыгар, «Триумф» успуорт киинигэр, «Дохсун» успуорт комплексыгар, «Эллэй Боотур» муустаах дыбарыаска, «Чолбон» сөтүөлүүр бассейнҥа, «Модун» успуорт комплексыгар, «Н.Н.Тарскай аатынан Туймаада» стадиоҥҥа, Р.М.Дмитриев аатынан Олимпийскай эрэллэри бэлэмниир өрөспүүбүлүкэтээҕи училищеҕа уо.д.а. киирсэллэр.
Маны сэргэ, тупсарыы, үүнээйини олордуу, бэрээдэги көрүү, баһаартан куттал суох буолуутун хааччыйыы, тырааныспар боппуруостарын дьүүллэстилэр.
«Азия оҕолоро» 2024 с. бэс ыйын 25 — от ыйын 7 күннэригэр ыытыллаллар. Бырагыраамаҕа успуорт 24 көрүҥэ киллэриллэр. Манна 40 дойдуттан, ону сэргэ Арассыыйа эрэгийиэннэриттэн үс тыһыынчаттан тахса спортсмен кыттара сабаҕаланар.
СӨ Ил Дарханын уонна Бырабыыталыстыбатын пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…