От ыйын 3 күнүгэр «Puncher» бокс кулуубугар III «Азия оҕолорун» выпускнига, аан дойду уонна Азия чөмпүйүөнэ (2013 с.), СӨ спордун үтүөлээх маастара, быйылгы оонньуу сүрүн судьуйата Мерей Акшалов боксаҕа маастар-кылааһы ыытта.
Тэрээһин “Азия оҕолоро” оонньуулар норуоттар икки ардыларынааҕы кэмитиэтэ тэрийбит Выпускниктар сойуустарын бырайыагын чэрчитинэн буолла.
“Маннык маастар-кылаастар атын бокса оскуолаларын бэрэстэбиитэллэриттэн наадалаах информацияны ыларга көмөлөһөллөр. Ону тэҥэ, оҕолор ыйытыылары биэрэллэригэр, кэпсэтэллэригэр, биллиилээх спортсменнар олохторуттан сорох холобурдартан уһуйуллалларыгар көмөлөөх, олору тус бэйэ сибээһэ суох билэр кыах суох. Уонна, биллэн турар, маннык маастар-кылаастарга кыттар уолаттарга бэйэ-бэйэлэрин кытта уопут атастаһар кыаҕы биэрэр», — диэн Арассыыйа Олимпийскай кэмитиэтин генеральнай сэкирэтээрэ Родион Плитухин эттэ.
Мерей Акшалов: “Азия оҕолоро” дьоҕус-олимпийскай оонньуу буолар, манна эдэр чөмпүйүөннэр улахан таһымнаах спорт диэки бастакы хардыыларын оҥороллор» диэн бэлиэтээтэ.
“Манна кинилэр олимпийскай, Азия уонна Европа оонньуулара хайдах ыытыллалларын туһунан бастакы өйдөбүлү ылаллар. Бу уопут инникитин улахан күрэхтэһиилэри чэпчэкитик ааһалларыгар көмөлөһүөҕэ», — диэтэ Мерей Акшалов.
Маастар-кылааска 20-тэн тахса оҕо кыттынна, олор ортолоругар Саха сирин хамаандатын чилиэннэрэ бааллара. Олортон биирдэстэрэ Александр Охлопков этэ.
“Бүгүн маастар-кылаас ыытылынна, онно Мерей Акшалов аан дойду уонна Азия чөмпүйэнээтигэр атын тренердэртэн ылбыт уопутун үллэһиннэ. Маннык маастар-кылаастар үчүгэйгэ тардыһарга, туох эрэ саҥаны билэргэ көмөлөһөллөр. Маннык улуу киһиттэн туохха да сыаналаммат уопуту ылбытым иһин, махтанабын», — диэн эдэр боксер санаатын үллэһиннэ.
«Азия оҕолоро» оонньуу дириэксийэтэ
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…