Салгыы
«Азия оҕолорун уота» Абыйга тиийдэ

«Азия оҕолорун уота» Абыйга тиийдэ

08.05.2024, 19:45
Хаартыска: Николай Петров.
Бөлөххө киир:

Бүгүн Абый улууһун олохтоохторо VIII «Азия оҕолоро» норуоттар икки ардыларынааҕы успуорт оонньууларын уотун уруйдуу көрүстүлэр.

Хаартыска: Николай Петров.

Белай Гора уулуссаларын устун факелы улуус баһылыга Владимир Новиков, «За заслуги в развитии физической культуры и спорта РФ» Бочуоттаах бэлиэ хаһаайына Марк Ушницкай, байыаннай дьайыы Абыйдааҕы ыстаабын бэрэссэдээтэлэ  Айталина Унарова,  «Манчаары оонньууларын» призера,  көҥүл тустууга успуорт маастара Александр Новиков, физкултуураҕа, оҕо успуордугар СӨ бырабыыталыстыбатын гранын хаһаайына Сергей Ефремов, «Движение первых» исписэлииһэ Владислав Окороков, хапсаҕайга улуустааҕы күрэхтэһии кыайыылааҕа  Дьулус Новиков, ырыаһыт Виктория Михайлова, спортсмен Илья Бандеров уонна 20 волонтер тутан сүүрдүлэр.

Эстафета номнуо 20 улууска сырытта, 275 факелы тутааччы, 540 волонтер кытынна, барыта 29 591 килэмиэтирдээх сиринэн айаннаатылар.

«Азия оҕолорун» уотун кулун тутар 19 күнүгэр «Өлүөнэ очуостара» национальнай пааркаҕа умаппыттара. 100 күн иһигэр эстафета бары улуустарга тиийэн, барыта 37 тыһыынча килэмиэтири айанныахтаахтар. Бэс ыйын 26 күнүгэр Дьокуускай куоракка эргиллэн кэлиэхтээхтэр.

VIII «Азия оҕолоро» норуоттар икки ардыларынааҕы успуорт оонньууларын Дьокуускайга бэс ыйын 25-от ыйын 7 күнүгэр ыытыллыаҕа.

Ил Дархан, бырабыыталыстыба дьаһалтатын пресс-сулууспата.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
14 июня
  • 13°C
  • Ощущается: 12°Влажность: 76% Скорость ветра: 2 м/с

Сообщить об опечатке

Текст, который будет отправлен нашим редакторам: