Хаартыска: "Азия оҕолорун" норуоттар икки ардыларынааҕы кэмитиэтэ.
VIII «Азия оҕолоро» норуоттар икки ардыларынааҕы успуорт оонньууларын уота бу күннэргэ Бүлүү бөлөх улуустарын устун айанныыр. Уоту үөрүүлээх быһыыга-майгыга уматыы сиэрэ-туома кулун тутар 20 күнүгэр «Өлүөнэ очуостара» национальнай пааркаҕа буолбута.
Ол курдук, уоту арыаллааччылар Горнай, Бүлүү, Үөһээ Бүлүү улуустарыгар номнуо сырыттылар, аны Ньурба, Сунтаар, Мииринэй диэки айаннаатылар диэн «Азия оҕолоро» норуоттар икки ардыларынааҕы кэмитиэтэ иһитиннэрэр. 390 сааһын туолар кырдьаҕас Бүлүү куоратыгар эстафета кулун тутар 25 күнүгэр тиийбитэ. Дойдуга Кутурҕан күнэ биллэриллибитинэн сибээстээн, уоту көрсүү сиэрэ-туома үөрүүлээх быһыыга-майгыга буолбатаҕа, көннөрү факелы бэрсэн баран, хаартыскаҕа түспүттэрэ.
«Азия оҕолорун» уотун эстафетата Саха сирин бары 36 улууһугар сылдьыаҕа. Уот факелын бары улуустартан 550 спортсмен уонна успуорт сайдыытыгар кылааттарын киллэрбит дьон солбуйса арыаллаан, 35 тыһыынчаттан тахса килэмиэтири барыахтара. Дьэ, киэҥ-нэлэмэн Саха сирин барытын кэрийиэх диэтэххэ, сыралаах эстафета буолар эбит.
Санатар буоллахха, Сир экваторын эргимтэтэ 40 тыһыынча килэмиэтир буолар. Онон спортсменнар Сир ийэни эргийэн кэлбит кэриэтэ буолаллар эбит.
Эстафета түмүгэ бэс ыйын 26 күнүгэр — «Туймаада» стадиоҥҥа «Азия оҕолоро» норуоттар икки ардыларынааҕы успуорт оонньууларын аһыллыытын үөрүүлээх түгэнигэр буолуоҕа. Бу күн аан дойду чулуулара, бастыҥтан бастыҥ кэскиллээх спортсменнар араас дойдулартан мустан, оонньуулар уоттарын үөрэ-көтө, уруйдуу көрсүөхтэрэ. Бу күннэргэ стадион үрдүнэн күрэхтэһии бэлиэтэ — эстафета уота күлүбүрүү умайа туруоҕа.
Кулун тутар 21 күнүгэр Ил Дархан Айсен Николаев «Азия оҕолоро» норуоттар икки ардыларынааҕы успуорт оонньууларын үрдүк таһымҥа ыытыы туһунан тэрийэр кэмитиэт мунньаҕын ыыппыта. Кини туох баар бэлэмнэнии үлэтин болдьоҕор бүтэрэн-оһорон иһэргэ сорудахтаабыта.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…