Хаартыска: Ил Дархан, бырабыыталыстыба дьаһлтатын прес-сулууспата.
«Азия оҕолоро» VIII Норуоттар икки ардыларынааҕы спортивнай оонньуулар уоттарын эстэпиэтэтэ кулун тутар 19 күнүттэн бэс ыйын 26 күнүгэр диэри 36 улууска уонна куораттар уокуруктарыгар буолуоҕа. Өрөспүүбүлүкэ үрдүнэн барыта 550 факелы тутааччы уоту күөрэччи көтөҕүөҕэ.
«Азия оҕолоро» VIII Норуоттар икки ардыларынааҕы спортивнай оонньуулар уоттарын эстэпиэтэтин кэнсиэпсийэтин Ил Дархан Айсен Николаев бигэргэппитэ.
Эстэпиэтэ кулун тутар 19 күнүгэр, оонньуулар буолуохтара 100 күн инниттэн саҕаланыаҕа. Үгэс курдук, «Өлүөнэ очуостара» национальнай пааркаҕа уот уматыахтара. Оттон түмүгэ Дьокуускайга «Туймаада» стадиоҥҥа оонньуулары арыйыы кэмигэр буолуоҕа.
Бу тэрээһин бэлэмин тэрийэр кэмитиэт мунньаҕар ырыттылар. Манна бырабыыталыстыба бэрэссэдээтэлин солбуйааччы Сергей Местников кытынна.
Бүгүҥҥү күҥҥэ эстэпиэтэ маршрута, факел эскиһэ, тэрийээччилэр, волонтердар, факелы тутааччылар таҥастарын эскизтэрэ оҥоһуллубут. Волонтердары, факелы тутааччылары талан саҕалаатылар.
Уоту уматыы сиэрин-туомун сценарийа оҥоһуллубут. Өлүөнэ очуостарын аттыгар хоккейнай былаһааккалаах муус куораты тутар туһунан этии киирдэ.
Сергей Местников ырытыһыы түмүгэр улуустары кытта үлэни күүһүрдэргэ, куттал суох буолуутун боппуруостарын быһаарарга сорудахтаата.
«Азия оҕолоро» VIII Норуоттар икки ардыларынааҕы спортивнай оонньуулар уоттарын эстэпиэтэтэ 2024 сыл бэс ыйын 25 күнүттэн от ыйын 7 күнүгэр диэри буолуоҕа. Спорт 24 көрүҥэр 3 тыһыынчаттан тахса спортсмен күрэхтэһиэҕэ.
Дьокуускайга 2 спортивнай эбийиэк тутуллуоҕа уонна 14 эбийиэккэ хапытаалынай өрөмүөн оҥоһуллуоҕа. Оонньууларга барыта 70 эбийиэк хабыллыаҕа.
Ил Дархан, бырабыыталыстыба дьаһалтатын пресс-сулууспата.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…