Хаартыска: Чурапчы улууһун дьаһалтатын пресс-сулууспата
Бэс ыйын 5 күнүгэр Чурапчы улууһун олохтоохторо «Азия оҕолоро» норуоттар икки ардыларынааҕы успуорт оонньууларын уотун көрүстүлэр.
Эстафета уотун Таатта улууһун дэлэгээссийэтэ муниципальнай тэриллиилэр кыраныыссаларыгар чурапчыларга туттардылар. «Боотур Уус» стадиоҥҥа уоту көрсүү үөрүүлээх тээрээһиҥҥэ Федерация Сэбиэтин сенатора Егор Борисов, Чурапчы, Таатта улуустарын бэрэстэбиитэллэрэ, спортсменнар уонна уопсастыба бэрэстэбиитэллэрэ кытыннылар. Кинилэр улуус уонна Саха сирин сүүмэрдэммит хамаандатын спортсменнарыгар күрэхтэһиилэргэ кыайыыны баҕардылар.
Чурапчы нэһилиэгин уулуссаларынан бастыҥ спортсменнар, тириэньэрдэр ААлексей Кардашевский, Реворий Елисеев, Гаврил Нохтунскай, улуус баһылыгын бастакы солбуйааччы Егор Сивцев, улуус дьокутааттарын Сэбиэтин бэрэссэдээтэлэ Яков Оконешников, Д.П. Коркин аатынан ЧРССШИОР дириэктэрэ Станислав Захаров, ЧГИФКиС ректора Иннокентий Готовцев факелы тутан сүүрдүлэр. Ол кэннэ бү күн икки оройуон — Чурапчы уонна Уус Алдан кыраныыссаларыгар уус алданнарга уоту туттарыы сиэрэ-туома ыытылынна.
«Азия оҕолоро» норуоттар икки ардыларынааҕы успуорт оонньууларын уотун эстафетата Хаҥалас, Горнай, Бүлүү, Үөһээ Бүлүү, Ньурба, Мииринэй, Ленскэй, Анаабыр, Булуҥ, Усуйаана, Аллайыаха, Орто Халыма, Аллараа Халыма, Үөһээ Дьааҥы, Өлүөхүмэ, Абый, Өймөкөөн, Томпо, Таатта улуустарынан ааспыта.
Оонньуулар уоттарын уматыы сиэрэ-туома бу сыл кулун тутар 19 күнүгэр “Өлүөнэ очуостара” Национальнай пааркаҕа ыытыллыбыта. Уот эстафетата бу сыл кулун тутар 20 күнүгэр Хаҥалас улууһун Покровскайыттан саҕаламмыта уонна бэс ыйын 26 күнүгэр Дьокуускайга оонньуулар аһыллыытын сүрүн тэрээһинигэр түмүктэниэҕэ.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…