«Азия оҕолоро»: хайыһардьыттарбыт үс мэтээли аҕаллылар!

Кемерово куорат «Снежный» успуорт комплексыгар буола турар хайыһарга күрэхтэһиигэ Саха сирин сүүмэрдэммит хамаандатын хапытаана Инна Рыбкина 1300 миэтэрэҕэ хайыһарынан куоталаһыыга иккис кэлэн, үрүҥ көмүс мэтээл хаһаайкатынан буолла.

Бу көрүҥҥэ Саха сирин хамаандатын чилиэннэрэ Вадим Ширяев иккис уонна Вадим Кривоногов үһүс кэллилэр.

Финишкэ кэлээт даҕаны боруонса призер буолбут Вадим Кривоногов: «Мэтээлбин балтыбар аныыбын. Кини бүгүн төрөөбүт күнэ, онон эҕэрдэлиибин», — диэтэ.

Бэҕэһээ Саха сирин хамаандатын чилиэнэ Илья Соколов сноуборд көрүҥҥэ биир боруонса мэтээли ылбыта. Онон билиҥҥи туругунан, сүүмэрдэммит хамаандабыт холбоон түөрт мэтээллэннэ.

Санатан суруйдахха, «Азия оҕолоро» оонньуулар Кемеровскай уобаласка ыытылла тураллар. 12 дойдуттан 1000 кэриҥэ спортсмен кытта сылдьар.