АЗС бэнсиини биэрии хааччахтанна

2025 сылга  ньиэби оҥорор собуоттар үлэлэрэ тохтуу сылдьыбыта. Ол бэнсиин уматыга  тиийбэтигэр тириэрдибитэ.

Ол иһин, ньиэби оҥорор собуоттартан ньиэп бородууктатын улаханнык хойутаан тиэйдилэр, ол “Саханефтегазсбыт” АУо баазаларыгар уматык  тиийбэт балаһыанньатын үөскэттэ.

«Саханефтегазсбыт» АУо быйыл сэтинньиттэн  “Аллараа Бэстээхтээҕи ньиэп баазата”, “Томмоттооҕу ньиэп баазата” уонна “Нагорнинскайдааҕы ньиэп бьазата” салааларга ньиэп бородууктатын тириэрдиигэ биир тырааныспарка 10 лиитэрэ эрэ бэриллэрин курдук хааччахтааһыны киллэрдэ. Хааччахтааһын быстах кэмнээх. Бэлиэтээн эттэххэ, олоҕу-дьаһаҕы хааччыйар уонна улуустар сүрүн тэрилтэлэригэр уматыгы  биэрии хааччахтаммат.

Яна БАЙГОЖАЕВА, «Саханефтегазсбыт» АУо пресс-сэкирэтээрэ