«Баҕа санаа харыйата» аахсыйаҕа Ольга Балабкина кытынна

Оптуорунньукка, ахсынньы 24 күнүгэр, «Баҕа санаа харыйата» Бүтүн Арассыыйатааҕы аахсыйаҕа Ольга Балабкина кытынна.

Бырабыыталыстыба бэрэссэдээтэлин солбуйаачы, «Движение Первых» хамсааһын куратора икки эдьиийдии-балыс кыргыттар баҕа санааларын толордо. «Баҕа санаа харыйата» аахсыйаҕа тыһыынчанан тахса олохтоохтор кытталлар. Саҥа дьыллааҕы аахсыйаҕа сылын ахсын Арассыыйа Бэрэсидьиэнэ Владимир Путин кыттар. Ил Дархан Айсен Николаев эмиэ Кириэмил дыбарыаһыгар судаарыстыбаннай Сэбиэт мунньаҕын саҕаланыан иннинэ аахсыйаҕа атын губернатордары кытары кыттыыны ылла.

««Движение Первых» хамсааһын кураторынан буоларбынан, бу аахсыйаҕа олус үөрэн туран кыттабын. Оҕолорбут баҕа санаалара барыта туолуохтун, хас биирдии оҕо саҥа сылга  бэлэх тутуохтаах», — диэтэ Ольга Балабкина. Баҕа санаалаах оҕолор ааттара суруллубут оонньуурдары «Баҕа санаа харыйата» харыйаттан Ыччат уонна социальнай коммуникацияларыгар миниистирин эбээһинэһин толорооччу Игорь Юргин уонна Үөрэх уонна билим миниистирэ Нюргуна Соколова ыллылар.

«Баҕа санаа харыйата» аахсыйа 2018 сылтан ыытыллар уонна сыл ахсын үтүө дьыаланы толорорго бэлэм тыһыынчанан дьону түмэр. Тэрийээччилэр уонна толорооччулар күүстэринэн алта сыл иһигэр 210 тыһыынчаттан тахса оҕо Саҥа дьыллааҕы баҕата туолла.