Баабыр дуу, ыт дуу?…

Бу күннэргэ бассаапка Уус Маайа улууһугар баабыр суолун көрбүттэрин  туһунан видео тарҕанан, ордук өрөспүүбүлүкэ соҕуруу өттүгэр олорооччулар улаханнык айманнылар. 

Видеоҕа биир киһи  баабыр Күп бөһүөлэгиттэн Элдьикээн диэки барбытын кэпсиир. Бу видеону көрөн баран, кырдьык бу сурах төһө оруннааҕын билээри,  сударыстыбаннай экологическай надзор иниспиэксийэтэ бу учаастагы чинчийдэ.

Бэрэбиэркэ түмүгүнэн биллибитэ,  баабыр суола буолбатаҕа быһаарылынна. Бу  «Граф» диэн ааттаах  боруода ыт  суола эбит.  «Граф» хаһаайына булуллан, ыт чопчу бу суолунан сылдьыбыта билиннэ.