Хаартыска: видеоттан скрин
Тыатааҕылар арҕахтарыттан тахсыбыттарын туһунан иһитиннэриилэр кэлэллэр. Онон СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ адьырҕа кыыллар сылдьар, төрүүр-ууһуур сирдэрин таһыгар үлэлиир тэрилтэлэргэ анаан иһитиннэрии, сүбэ бэлэмнээбит.
Онно этиллэринэн, хагдаҥ эһэ баахта бөһүөлэгин таһыгар кэллэҕинэ уонна үлэһит олоҕор, доруобуйатыгар кутталы үөскэтэр буоллаҕына, тустаах министиэристибэҕэ биллэриэхтээхтэр. Маннык саайтынан киириэххитин эмиэ сөп: https://minpriroda.sakha.gov.ru/Ob-ispolnitelynom-OGV-RS—/kontakty
Туһааннаах биллэриинэн бу чахчыны үөрэтэн баран, араапар толоруллар, итиннэ олоҕуран суукка иһинэн бу кыыл ахсаанын сүрүннүүр туһунан быһаарыы ылыныллар.
Ахсааны аччатыы (сүрүннээһин) туһунан быһаарыыны судаарыстыбаннай былаас уоргана ылынар:
федеральнай суолталаах айылҕа ураты харыстанар сирдэригэр РФ айылҕа баайын уонна экологиятын министиэристибэтинэн;
кыыл-сүөл сылдьар бултуур сирдэргэ уонна атын сирдэргэ-уоттарга — СӨ Экологияҕа министиэристибэтинэн.
Быһаарыныыга олоҕуран тустаах булт баайын бултааһыҥҥа көҥүл бэриллэр:
сыһыарыллыбыт бултуур сирдэргэ – бултуур-хаһаайыстыбаннай сөбүлэһиини түһэрсибит юридическай сирэйинэн уонна биирдэм урбаанньытынан;
уопсай бултуур сирдэргэ — СӨ Экологияҕа министиэристибэтин сирдээҕи-уоттааҕы салаатынан;
айылҕа ураты харыстанар сирдэригэр – “Биология ресурсаларын, айылҕа ураты харыстанар сирдэрин уонна айылҕа пааркаларын дириэксийэтэ” тэрилтэтинэн.
Дьоҥҥо куттал суоһуур түгэнигэр адьырҕа кыыл ахсаанын сүрүннээһин болдьоҕо 3 халандаарынай күнү аһарыа суохтаах.
Хагдаҥ эһэ сылдьар сиригэр-уотугар кытаанах тобох (ТКО) полигонун хонтуруолга тутуллуохтаах уонна баахта бөһүөлэгэр сыбаалканы түбэһиэх сиргэ тэрийэр табыллыбатын тустаах министиэристибэ санатар. Хаартыскаҕа түһээри тыатааҕыны аһатыы, мэҥиэни ууруу баахта бөһүөлэгин таһыгар булгуччу бобулларын туһунан этиллибит.
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…