Ааптар хаартыскаҕа түһэриитэ
Олунньу 20 күнүгэр Амма улууһун Эмис нэһилиэгэр бырабыыталыстыба отчуота буолла.
Эмис нэһилиэгиттэн 30 килэмиэтирдээх сиргэ баар Олом Күөл учаастагын олохтооҕо Николай Кузьмин сибээс, суол, күргэ боппуруостарын туруоруста.
Олом Күөлгэ 3 хаһаайыстыба баар, сайынын 50-ча киһи олорор. Суол суох буолан, сайын 18 чааһы быһа айанныахтарын сөп. Онон Тиэлигинэн эргийэн сылдьаллар. Кыһын тибии типтэҕинэ, суол эмиэ быстар. Онон Николай Егорович суолга грейдер ыытан тэҥниири көрдөстө.
Сэбиэскэй кэмҥэ 50-ча сыл төлөпүөн үлэлээн кэлбитэ. Билигин сибээс суох. Вай-фай икки сыл үлэлээн баран, этиҥ түһэн, умайан хаалбыт. Онон вай-фай ситимин холботорго туруорсар.
Олом Күөлгэ үс хаһаайыстыба 200-чэ сүөһүнү көрөр. Николай Егорович уола саха сүөһүтүн иитэр. От бөҕө үүнэр, кураан да сылга үчүгэй үүнүүлээх буолан, атын да нэһилиэктэр ымсыыраллар.
Аны туран, нэһилиэги бөрөлөр буулаан, быйыл уонча сылгыны тартылар. Николай Кузьмин этэринэн, бөөлүүн эмиэ тардыбыттар. Быйыл хас да бөрөнү бэйэлэрин күүстэринэн өлөрбүттэр. Маныаха улуус биир бөрө кутуругар 20 тыһыынча солкуобайы, өрөспүүбүлүкэттэн 30 тыһыынча солкуобайы биэрэллэр. Маны тэҥэ, улуус бастыҥ бөрөһүккэ 100 тыһыынча солкуобайы биэрэр.
Манна тырааныспар министиэристибэтин үлэһитэ Егор Иванов маннык хоруйдаата:
— Нэһилиэктэр суолларын оҥорууга министиэристибэ үп көрөр. 234 мөлүйүөнү түҥэттибит, кулун тутар ыйга 420 мөлүйүөн солкуобайы тарҕатаары олоробут. Амма улууһугар икки нэһилиэккэ суол өрөмүөннэнэр. Эһиги бырайыагын оҥорторон, эспэртиисэни аастаҕына, сайаапканы ылыахпыт.
Оттон улуус баһылыга Степан Кузьмин маннык бэлиэтээтэ:
— Олом Күөл улууска стратегическай суолталаах учаастак. Кураан буоллаҕына, нэһилиэги отунан хааччыйар сир. Онон суолун оҥорорго үлэлэһиэхпит. Сибээс боппуруоһугар »Экспресс-групп» тэрилтэни кытары кэпсэтиини ыыппыппыт. Кинилэр нэһилиэк остуолбатын бэлэмнээтэҕинэ, киллэриэхпит дииллэр. Онон бу боппуруос кыаллыан сөп.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…