Бааһынай ырыынага: сыана үрдээбит

Дьокуускайга Бааһынай ырыынакка оҕуруот аһын, фрукта сыаналара биллэрдик үрдээбит эбит. Биһиги кэрэспэдьиэммит Бааһынай ырыынака сылдьан хаартыскаҕа түһэрбит сыаналарын кытта билсиҥ.

Холобур, хортуоппуй киилэтин — 180 солк., арбуз — 160-200 солк., черешня — 800 солк., персик — 450-500 солк., абрикос — 200 солк. атыыланаллар.

Ырыынак атыыһыта кэпсииринэн, билигин оҕуруот аһын атыылаһар дьон элбээбит, ону таһынан үксүн арбуз, клубника уонна черешня ыйыталлар диир. Бу саас клубниканы 2 киилэтин 1500 солк. атыылыыр буоллахтарына, билигин 2500 солк. буолбут. Ол курдук, биллэрдик 1000 солк. эбиллибит.

«Биһиэхэ 6-8 киилэлээх арбуһу 720-960 солк. атыылаһыахха сөп. Туспа ыйааһынынан өлүүлээн эмиэ атыылыыбыт, дьон бүтүннүү атыылыһыан баҕарбат буолбут», — диир атыыһыт дьахтар. Былырыын арбуз сыаната киилэтигэр 130 солк. эбит буоллаҕына, быйыл 70 солк. үрдээбит.

Клубника Кытайтан уонна Краснодарскай кыраайтан аҕалыллыбыт диэн арахсар, сыаната 2000 солк. саҕаланар. Сугун киилэтэ 2500 солк., помидор — 300-450 солк., оҕурсу — 300 солк., биэрэс — 400 солк., саюри помидора — 400 солк., сүбүөкүлэ, моркуоп — 180 солк.