Саха сиринээҕи Россельхознадзор исписэлиистэрэ убаһа этиттэн антибиотик буллулар. Эт боруобаларын бу сыл сыл муус устар ыйыгар ылбыттар. Бэрэбиэркэ атырдьах ыйын бүтэһик күннэригэр түмүктэммит.
Амур уобалаһынааҕы уонна Саха сиринээҕи Россельхознадзор управлениетын пресс-сулууспата иһитиннэрбитинэн, атырдьах ыйын 22 күнүгэр борокуратуураны кытта сөбүлэһэн, Саха сиригэр биир тэрилтэни бэрэбиэркэлээһини түмүктээбиттэр. Силиэстийэҕэ биллибитинэн, быйыл муус устар ыйга хонтуруоллуур-кэтиир тэрээһиннэр чэрчитинэн «Сайсары» бааһынай ырыынагар убаһа этин боруобаларын ылбыттар. ФГБУ «ВНИИЗЖ» Иркутскайдааҕы филиалын лабораториятыгар ыытыллыбыт чинчийиилэр эт нуорма ирдэбиллэригэр эппиэттээбэтин көрдөрбүттэр.
Биир боруобаҕа макроциклическэй лактоннар бөлөхтөрүттэн киирэр антибиотик баара быһаарыллыбыт. Бу эттик киһи доруобуйатыгар кутталы үөскэтэр. ФГИС «ВетИС» – «Меркурий» систиэмэтин иһитиннэриитинэн, эти 2024 сыл сэтинньи 20 күнүгэр идэһэлиир пууҥҥа туппуттар. Оччолорго 42 убаһа өлөрүллүбүт. Эти аҥардыы уонна чиэппэрдии эттээн бэлэмнээбиттэр. Тоҥоруллубут көрүҥүнэн баартыйа уопсай ыйааһына 2406 киилэҕэ тиийэр эбит.
Кэлин быһаарыллыбытынан, тэрилтэҕэ ХАССП систиэмэтигэр олоҕурбут тэрээһиннэр ыытыллыбаттар эбит. Бородууксуйаны оҥорор уонна харайар хостор, тэрил уонна инвентарь санитарнай туруктарыгар эмиэ итэҕэстэр бааллара биллибит. Тэрилтэҕэ сыһыаннаан РФ Административнай кодексатын 14.43 ыстатыйатын 1 чааһынан административнай дьыала көбөтүлүннэ. Юридическай сирэйгэ 100-тэн 300 тыһыынча солкуобайга диэри ыстыраап олохтонуон сөп.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…