Хаартыска: СИА
Байыаннай дьайыы бааһырбыт кыттыылааҕын көрөргө-харайарга төрөппүтүгэр уонна кэргэнигэр эбии төлөммөт уоппуска бэриллэр. Госдума бу сокуону ылынна.
Уоппусканы 35 күҥҥэ диэри ылыахха сөп, үлэ биэрээччи киһиэхэ үлэ миэстэтин хаалларар эбээһинэстээх.
Госдума бэрэссэдээтэлин солбуйааччы Анна Кузнецова, дьокутааттар госпиталларга элбэхтик сылдьалларын, онно бааһырбыт байыастары реабилитациялыыр төһөлөөх уустугун көрөллөрүн эттэ. Кини этэринэн, көрүүнү-истиини аймахтара оҥорор буоллахтарына, 14 күннээх эбии уоппуска көрүллэр.
«Бу нуорма ситэтэ суох дии саныыбыт. Бааһырбыт байыаһы көрөр-истэр төрөппүттэргэ, кэргэннэргэ, улахан оҕолорго эбии 35 хонуктаах хамнаһа суох уоппуска биэрэр туһунан сокуон барылын оҥордубут», — диэн дьокутаат быһаарда. Байыас өлөр түгэнигэр бу дьон 14 күннээх хамнаһа суох уоппусканы оҥорторуохтарын сөп, диэн эбэн эттэ.
Госдума Үлэҕэ, социальнай политикаҕа уонна бэтэрээннэр дьыалаларыгар кэмитиэтин чилиэнэ Виктория Родина эбэн этэринэн, бааһырбыт БДь кыттыылаахтарын кэргэттэрэ маннык миэрэлэри ыларга көрдөһүүлээх депутаттарга хаста да тиийбиттэрэ. Тоҕо диэтэххэ, бааһырбыттарын кэннэ саллааттарга уһун кэмнээх көрүүнү-истиини үксүн аймахтара оҥороллор. Сокуоҥҥа киирэр уларытыылар көмөлөрүнэн кинилэр чугас киһилэрин көрөр-истэр кыахтаныахтара, ону кытта үлэлэрин миэстэтэ кэтэһэн туруоҕа, диэн парламентарий бэлиэтээтэ.
«Арыгы састааба суох пиибэ утаҕы иһэрдиигэ билиһиннэрии экскурсиятын оҥоробут», - диэн биллэрии ФАПК "Якутия" тэрилтэ…
«Баклан көтөрдөр балыктаах күөллэрбит экосистематын алдьатыахтарын сөп», - диэн учуонайдар сэрэтэллэр. Бу көтөрдөр тыһыынчанан эбэтэр икки…
Дьокуускайга полиция үлэһиттэрэ куортамнаабыт кыбартыыраттан уоран икки тэлэбиисэри атыылаабыт 28 саастаах эр киһини туппуттар. 33…
Үүнээйи сибэккилэммэт буоллаҕына, оҕуруотчуттар олус туһалаах уонна судургу суурадаһыны оҥорон кутаргытыгар сүбэлииллэр. «Бу суурадаһынан үүнээйини…
Саха сиригэр сааскы халаан иккис долгуна салҕанар. Уу ресурсаларын федеральнай ааҕыныстыбатын Өлүөнэтээҕи бассейновай управление салайааччыта…
Бэс ыйын 2 күнүгэр киэһэ 23.00 чааска Саха сиринээҕи быыһыыр сулууспатын быыһааччыларын бөлөҕө Иннокентий Андросов…